HIZTEGIA

A B C D E F G H I J K L M N O P Q R S T U V W X Y Z
 

rabi* e. errabino.

 

Rabin, Yitzhak (Isaac*, Isaak*).

 

radar.

 

rafting. Erreka lasterretatik jaistea. 'Rafting'-a eta eskalada egingo dute, besteak beste.

 

raid. Lasterketa luzea, lur mota guztietan egiten dena, batez ere erresistentzia eta orientazioa neurtzen dituena.

 

Rainier III.a Monakokoa, -a (Rainiero*).

 

raja. Indiako erregea edo printzea. Emakumeei 'rani' deritze.

 

Rakhmaninov, Sergei (Rachmaninov*, Ratxmaninov*).

 

rally.

 

ramadan. Musulmanen hilabete santua. Urteko bederatzigarrena da. Oraintxe bukatu berria da ramadana.

 

Ramblak (Ramblas*, Ranblak*). Bartzelonako pasealekua. Orain, turistak baino ez dira ibiltzen Rambletan.

 

Ramses. Antzinaroko Egiptoko erregea.

 

rani. Indiako erregina edo printzesa. Gizonei 'raja' deritze.

 

ranking. h. sailkapen, zerrenda.

 

rantxera (ranchera*). Musika mota.

 

rap, rap kantari, rap dantzari (rapero*).

 

rapa kantatu, rapean aritu (rapeatu*).

 

rappel. Mendi jaitsierako teknika. Rappel egiten ibili ginen.

 

rara avis. Arraroa, bakana. Latinez, 'hegazti bitxia'.

 

rascacielos* e. etxe-orratz.

 

rasta, rastafari.

 

rating 1. Letra etzanez idazten da. 'Rating' agentzia.

 

rating 2* e. ikusle ratio. Ikusleen ehunekoa, biztanle kopuru osoa kontuan harturik kalkulatua.

 

ratio. Bi magnituderen arteko erlazioa. Irakaskuntzaz mintzatuz, irakasle bakoitzeko ikasle kopurua. Latinetik datorren arren, ez da letra etzanez idazten, Euskaltzaindiaren Hiztegian sartua baitago.

 

Real Madril (Real Madrid*). Futbol taldeen izenetan, euskarazko eran idazten dira toponimoak. Atletico Madril (Madrid*), Bartzelona (Barcelona*), Bordele (Bordeaux*), Elx (Elche*), Monako (Monaco*), Murtzia (Murcia*), Naoned (Nantes*), Niza (Nice*), Olympique Marseilla (Marseille*), Valentzia (Valencia*), Vila-real (Villareal*).

 

reality show. Telebistako saio mota.

 

record* e. errekor, marka. Teleikusle, irrati entzule eta gisakoez mintzatuz, ez erabili ez 'errekor' eta ez 'marka'. Euskadi Irratiak entzule errekorra hautsi du martxoan*[e.] Euskadi Irratiak inoiz baino entzule gehiago izan du martxoan.

 

recordman*, recordwoman* e. errekordun.

 

referendum. Erreferenduma. Euskaltzaindiaren Hiztegian bi formak ageri dira. BERRIAk 'erreferendum' erabiliko du.

 

reggae. Musika mota. Musika reggaea*[e.] Reggae musika.

 

Reischtag. Alemaniako Legebiltzarraren egoitza. Reischtag Berlinen dago.

 

relax* e. lasaitasun, lasaitze, erlaxatze.

 

remake. Filmen bigarren bertsioa.

 

repentismo, repentista. Ahozko inprobisazioan oinarrituriko genero poetikoa, Kuban oso errotua; horretan aritzen dena.

 

requiem.

 

reset egin (reseteatu*, erreseteatu*).

 

resort* e. oporleku. Bost izarreko resort batzuk egin dituzte*[e.] Bost izarreko oporleku batzuk egin dituzte.

 

retro. Aurreko garai bateko ezaugarriak imitatzen dituen estiloa.

 

revival. Estilo edo ohitura zaharkitu bat berriz modan egotea.

 

rhum* e. ron. Edari alkoholduna.

 

rhythm and blues. Musika mota.

 

Riau-riaua, -a. Iruñeko sanferminetan 1996 arte egin ohi zen ekitaldia.

 

Ribera del Duero. Duero aldeko ardoaren sor-marka.

 

Richter eskala. Lurrikaren indarra neurtzeko eskala. Kontuz esaldia jostean. Richter eskalan lau gradukoa izan da lurrikara*[e.] Richter eskalako lau gradukoa izan da lurrikara.

 

rifle* e. errifle.

 

Rikardo Lehoibihotza, -a (Lionheart*, Corazon de Leon*, Coeur de Lion*). Rikardo I.a Ingalaterrakoa.

 

ring.

 

road movie. Zinema generoa.

 

roaming. Seinale eremu batetik beste batera joatean sakelako telefonoa erabiltzen segitzeko funtzioa.

 

robot, robotika, robotizatu.

 

rock, rock-and-roll, rockzale.

 

Rodano (Rhone*). Frantziako ibaia. Departamenduaren izena 'Rhone' da.

 

rodeo. Cowboyen erakustaldia.

 

roentgen. Erradioaktibitate unitatea.

 

rogaining (rogaine*). Distantzia luzeko orientazio lasterketa.

 

rohingya. Myanmarko etnia.

 

Rokaputa*, Roka Puta* e. Izustarri (muturra). Getariako tokia.

 

rokodromo. h. eskalada horma, eskalada murru, eskalada pareta.

 

rokoko (rococo*). Frantzian XVIII. mendean sorturiko arte estiloa.

 

rol. Aktoreak antzezten duen pertsonaia. Mota guztietako rolak antzeztu ditu.

 

roller* e. (gurpil gaineko) patinaje / irristatze.

 

ron. Edari mota.

 

rondalla (errondaila*). Gitarraz, lautez eta bandurriaz osaturiko musika taldea.

 

rookie. NBAn lehen urtea duen jokalaria.

 

Rosetta misioa, -a.

 

rotonda* e. biribilgune.

 

roulotte. h. karabana.

 

round. Boxeoko borrokaldia.

 

royalty. Egile eskubideengatik kobratzen den dirua.

 

RSS. XML hizkuntzan oinarrituriko fitxategi mota.

 

Rubikon (Rubikoia*). Rubikon igaro zuen; iritsi, ikusi eta garaitu.

 

rublo* e. errublo.

 

rugby* e. errugbi.

 

runba (rumba*). Musika mota.

 

rupia* e. errupia.

 

Ryder Cup. Golf torneoa, Europako eta Ameriketako Estatu Batuetako taldeek jokatzen dutena. Mugagabean deklinatzen da. Europak astindu ederra eman die AEBei Ryder Cupen.

© Berria.eus - Euskal Editorea SM    •   Martin Ugalde kultur parkea, Andoain 20140
Telefonoa: 943-30 40 30  •   Faxa: 943-59 01 72  •  Posta elektronikoa: estiloliburua@berria.eus
webgunearen mapa