HIZTEGIA

A B C D E F G H I J K L M N O P Q R S T U V W X Y Z
 

Saakaxvili, Mikheil (Saakashvili*).

 

sabai (sapai*).

 

sabatiko. Urte sabatikoa.

 

sabbat. Juduen egun santua, larunbata.

 

sabbath (sabat*). Juduen asteko zazpigarren eguna.

 

sabiniano* e. sabindar.

 

sabotaje (sabotaia*).

 

sabotatu, sabotatzaile. Sabotaje egin.

 

Sadar. Osasunaren futbol zelaia. 2005etik 2011ra arte, 'Nafarroako Erresuma' izena hartu zuen.

 

Sagar Handia, -a. New Yorki ematen zaion izendapena.

 

sagardo denboraldi* e. sagardo garai.

 

sagu. Ordenagailua erabiltzekoa ere 'sagua' da, ez 'arratoia'.

 

saguzar (saguzahar*).

 

saharauiar* e. saharar.

 

Saharaz hegoaldeko Afrika (Saharaz azpiko Afrika*).

 

saiakera 1. Saioa, saialdia.

 

saiakera 2. Literatur generoa.

 

saihestu. Nahi ez den zerbaiti itzuri. Ez nahasi 'eragotzi'-rekin. Trebea da arazoak saihesten.

 

saihetsezin (saihestezin*).

 

saihetsi* e. saihestu.

 

sailean. Bata bestearen atzetik, bata besteari loturik. Istripuak sailean izan dira autobidean.

 

saileko hiltzaile. Jack Tripa-urratzailea da saileko hiltzailerik ezagunena.

 

sailkatu. Kiroletan, kontuan izan 'Munduko Txapelketarako sailkatu da' ez dela hori adierazteko modu bakarra: 'Munduko Txapelketan sartu da', 'Munduko Txapelketara pasatu da'...

 

sailordetza* e. sailburuordetza.

 

saio. Saialdia.

 

sakabanaketa (dispertsio*).

 

sakatu. Kiroletan, 'sakea atera'.

 

sakelako telefono. Eskuko telefonoa.

 

Sakharov, Andrei (Sajarov*). Izen osoa: Andrei Dmitrievitx Sakharov.

 

Sakoneta. Debako hondartza.

 

sakrilegio (sakrilejio*).

 

Saladin (Saladino*). Mundu islamikoaren buruzagia, XII. mendekoa.

 

salatari. Salatzen duena. Zentzu ezkorreko hitza da.

 

salatzaile. Salaketa egiten duena.

 

Salbeko zubia, -a (La Salveko zubia*). Bilboko zubia, Guggenheim inguruan dagoena.

 

salbu. Sintagmak dagokion atzizkia hartzen du. Gure lagunek ez dute halakorik egiten, salbu Jone*[e.] Gure lagunek ez dute halakorik egiten, salbu Jonek.

 

salbuespen egoera.

 

Salburua, -a. Gasteizko auzoa.

 

salmonella. Bakterioa.

 

salmonellosi. Gaitza.

 

saltsa (salsa*). Musika mota.

 

Samaras, Antonis (Andonis Samaras*). Politikari greziarra.

 

sami. Laponiarra. Laponia zatiturik dago Finlandiaren, Norvegiaren, Errusiaren eta Suediaren artean. 'Sami herria' da laponiarren jatorrizko izena.

 

sampler, sampling.

 

San Andreas faila (San Andres falla*).

 

San Fermin Txiki (San Fermin Txikito*).

 

San Joan martxa.

 

San Joan sua, -a.

 

San Kristobal. Busturiko hondartza.

 

San Marko mankomunitatea, -a (San Markos*).

 

San Miguel liga (San Migel*). Traineruen liga.

 

San Sebastian eguna, -a; San Sebastian bezpera (Donostia eguna*, Donostia bezpera*).

 

San Silvestre lasterketa (San Silbestre lasterketa*). Abenduaren 31n egin ohi den lasterketa proba.

 

San Tomas eguna, santomasak, santamasak (Arrasate) (Santo Tomas*, santotomasak*).

 

sanba. Musika mota.

 

Sandua, -a. Sandutik Arga aldera joan ginen.

 

sandwich.

 

sanferminak (San Ferminak*, Sanferminak*). San Fermin jaiak. Orobat, 'sanjoanak', 'sanpedroak'...

 

Sanfilipporen sindromea. Laburturik, 'Sanfilippo gaitza'.

 

sanjoanak (San Joanak*, Sanjoanak*). San Joan jaiak. Orobat, 'sanferminak', 'sanpedroak'...

 

Sant Jordi eguna, -a. Katalunian San Jurgi egunean ospatzen duten jaia.

 

Santa Ageda bezpera.

 

Santa Claus*, Santa Klaus* e. Bizarzuri.

 

Santa Kriz (Santa Criz*). Eslabako aztarnategia.

 

Santa Luzia eguna.

 

santamasak, santomasak. Arrasaten, santamasak dituzte; Azpeitian, santomasak.

 

Santiago. Debako hondartza.

 

Santiago. Zumaiako hondartza.

 

santo 1* e. san. Santo Tomas*[e.] San Tomas. // Santo Domingo*[e.] San Domingo.

 

santo 2* e. santu. Oso santo maitea zen harentzat*[e.] Oso santu maitea zen harentzat.

 

Santo Domingo de la Calzada (Ozkabarte*). Errioxako herria.

 

Santu Guztien Eguna, -a. Omiasaindu, Domu Santu, Domu Santuru. Santu Guztien biharamunean.

 

santutegi. Ez erabili 'babesleku' adierazteko. Baleen santutegia*[e.] Baleen babeslekua.

 

Santxo* e. Antso. Nafarroako erregeez mintzatuz. Antso VI.a Jakitunaren semea ere Antso izan zen: Antso VII.a Azkarra.

 

santzio* e. zigor.

 

sapai* e. sabai.

 

sardina ehorzte, sardina erretze, sardina ehorzketa. Inauterietako azken eguneko erritua.

 

sardinzar (sardinzahar*).

 

sare. Kiroletan, singularrean erabili. Palaciosen hutsaz baliatu, eta baloia sareetan sartu zuen*[e.] Palaciosen hutsaz baliatu, eta baloia sarean sartu zuen.

 

Sargsian, Serzh (Sargsyan*, Sarkissian*).

 

sari nagusi, lehen sari (sari potolo*, sari lodi*, gordo*).

 

sariak. Ikus 'Onomastika' atala.

 

sarjentu.

 

sarrerak. Ikus 'Idazkuntza' atala.

 

sasi-. Ihartuetan, dagokion hitzari loturik idazten da. Bestela, marratxoz. Sasibide, sasieskola, sasiezkontza, sasijainko, sasijakintsu, sasijakitun, sasikume, sasiletradu, sasimediku, sasiprofeta. Sasi-erlijio, sasi-interpretazio, sasi-literatura, sasi-ordain, sasi-zientzia.

 

sasian bizi izan, sasian ibili. Legez kanpo edo ihes eginik bizi izan.

 

sasienpresa (enpresa pantaila*, pantaila enpresa*).

 

sasitar. Legez kanpo bizi dena.

 

saskibaloi taldeak. Saskibaloi taldeen izenetan, euskarazko eran idazten dira toponimoak. Bartzelona, Pamesa Valentzia, Real Madril, Paue-Ortheze, Estrasburgo.

 

sasoi puntu* e. sasoi. Ez nago oso sasoi puntu onean*[e.] Ez nago oso sasoi onean.

 

satan. Pastoraletako pertsonaia.

 

sataneria. Pastoraletan, satanen multzoa.

 

satanizatu* e. deabrutu. Islama satanizatzea leporatu dio Malaysiako lehen ministroak Mendebaldeari*[e.] Islama deabrutzea leporatu dio Malaysiako lehen ministroak Mendebaldeari.

 

Saturraran. Mutrikuko hondartza.

 

saudi (saudita*).

 

saxofonista. Saxofoi jotzailea.

 

scam. Iruzur egiteko posta elektronikoa, itxuraz dirua irabazteko modua ematen duena.

 

scanner* e. eskaner.

 

Schengengo Ituna, -a. Baina 'Schengen eremua'.

 

scherzo. Musika lan arina.

 

Schroeder, Gerhard (Schröder*).

 

scooter* e. eskuter. Hirian ibiltzeko motoa.

 

scout* e. eskaut.

 

script 1. Gidoia.

 

script 2. Gidoia bete dadin lan egiten duen teknikaria.

 

scudetto. Italiako futbol ligako titulua. Hutsa falta izan zuen 'scudetto'-a irabazteko.

 

Seaska. Ipar Euskal Herriko ikastolen elkartea.

 

seduzitu, seduktore.

 

sefardi (sefardita*).

 

sega-poto. Lagunarteko hizkeran, 'sakelako telefonoa'.

 

segidismo* Liberalek kontserbadoreen segidismoa egiten dute*[e.] Kontserbadoreek zer egin, huraxe egiten dute liberalek ere.

 

segun (eta). Neurrian erabili. Izan ere, esaldia ondo josteko, gehienetan aski izaten da 'segun' kentzea. Segun eta jaialdia non den, jende gehiago edo gutxiago biltzen da*[e.] Jaialdia non den, jende gehiago edo gutxiago biltzen da.

 

segundo (segundu*).

 

segundoero (segundoro*). Zenbakiak eta '-ero' ezin dira ezkondu. Hamar segundoero*[e.] Hamar segundotik / segundoan / segundoz behin.

 

segur aski, seguru asko, ziur asko.

 

segurtasun gerriko* e. segurtasun uhal.

 

segway. Bi gurpileko ibilgailu pertsonal arina. 'Segway'-an ibiltzea ez da zaila.

 

sehaska. Haurtxoen ohe txikia.

 

Sei Nazioen Torneoa, -a. Eskozia, Frantzia, Gales, Ingalaterra, Irlanda eta Italiak jokatzen duten errugbi txapelketa.

 

seiehun, seietan (seirehun*, seiretan*).

 

seinalatu 1. Seinale bat jarri, markatu, erakutsi.

 

seinalatu 2* e. adierazi, nabarmendu... Ez da esatezko aditza. Gero, seinalatu zuen ez zegoela ados gai batzuetan*[e.] Gero, nabarmendu zuen ez zegoela ados gai batzuetan.

 

seinale. Kontuz esaldia jostean. Arazoa konponduko denaren seinale*. Arazoa konponduko delaren seinale*[e.] Arazoa konponduko den seinale. Arazoa konponduko delako seinale.

 

seinaletika* e. seinaleak.

 

seinalizatu* e. seinaleak jarri, seinalatu.

 

sekretismo* e. isilkeria.

 

sektore 1. Ekonomian, 'alorra', 'arloa'.

 

sektore 2* e. zati. Txirrindularitzan eta automobilismoan, zenbait lasterketaren parteak. Etaparen bigarren sektorean erori da*[e.] Etaparen bigarren zatian erori da.

 

sektorial. Batzuetan, aski da 'arloko', 'arloz arloko'.

 

sekuela 1 (secuela*). Aurreko obra baten segida den zinema edo literatura lana, ondorengo gertaerak kontatzen dituena.

 

sekuela 2. Medikuntzan, ondorioa.

 

sekuentzia. Zineman, plano multzoa.

 

sekula (sekulan*).

 

selektibitate. Espainian, unibertsitatean sartzeko hautaproba. 2017az geroztik, 'unibertsitatean sartzeko ebaluazioa' deritzo ofizialki.

 

selektibo. Batzuetan, egokiagoa da 'gaika'. Zabor bilketa selektiboa*[e.] Zaborra gaika biltzea. Zaborren gaikako bilketa.

 

selekzio. Kirol taldea. Bihar jokatuko dute bi selekzioek elkarren kontra.

 

selekzionatzaile* e. hautatzaile.

 

self-service. Janaria norberak hartzen duen jatetxe mota.

 

selfie. Nork bere buruari eginiko argazkia, autoargazkia, autofotoa.

 

seme. Beste hizkuntzetatik itzultzeko orduan, kazetariak saiatu behar du egoki euskaratzeko informazioa biltzen. Esaterako, jakin behar du 'children', 'enfants' edo 'hijos' zer diren zehazki: seme-alabak, semeak edo alabak. Informazio hori biltzea ezinezkoa bazaio, 'seme-alabak' idatziko du, eta txikiak badira, 'haur' eta 'ume' ere erabil ditzake. Uzta bakarra jasotzen dugu urtean, eta gosea pasatzen dugu, bai guk eta bai gure semeek*[e.] Uzta bakarra jasotzen dugu urtean, eta gosea pasatzen dugu, bai guk eta bai gure seme-alabek.

 

seme-alabak. Singularra ezin da izan. Bosgarren seme-alabaren zain dagoen emakume bat*[e.] Bosgarren haurraren zain dagoen emakume bat. // Aurreneko seme-alaba izatea ere diruz lagunduko du Jaurlaritzak*[e.] Aurreneko semea edo alaba izatea ere diruz lagunduko du Jaurlaritzak. Aurreneko haurra izatea ere diruz lagunduko du Jaurlaritzak.

 

seminario. Apaizgaitegia.

 

Sena (Seine*). Frantziako ibaia.

 

senadore*, senatore* e. senatari.

 

senar-emazte bat* e. senar-emazteak, senar-emazte batzuk. Singularra ezin da izan. Orain dela 30 urte elkar ikusi ez duen senar-emazte bat da protagonista*[e.] Orain dela 30 urte elkar ikusi ez duten senar-emazte batzuk dira protagonista.

 

senatari (senadore*, senatore*).

 

senda-agiri (sendagiri*).

 

senderismo* e. trekking. Mendi ibilaldiak egin.

 

Sendero Luminoso. Peruko talde armatua. Kideak 'senderistak' dira.

 

senditu* e. sentitu, sendi izan.

 

Senideak, -ak. Euskal preso politikoen aldeko taldea, 2001ean desegina. Hitz arruntak bezala deklinatzen da. Presoen aldeko elkarretaratzea egin zuten Senideek.

 

senior. Kiroletako kategoria. Gainerakoak ikusteko, jo 'kiroletako kategoriak' sarrerara.

 

Senoko zuloa, -a (Senoko kala*). Pasaiako hondartza.

 

Senper, Borja (Semper*). Gipuzkoar politikaria.

 

sententzia. Epaia.

 

sentimendu (sentimentu*).

 

sentsazio. Askotan, egokiagoak dira 'irudipen' eta 'sentipen'. Ezer gutxi eginda ere, asko egin duen sentsazioa izango dugu*[e.] Ezer gutxi eginda ere, asko egin duen irudipena izango dugu. // Irribarrearen eta negarraren arteko mugan dagoen sentsazioa*[e.] Irribarrearen eta negarraren arteko mugan dagoen sentipena. // Sentsazio onak izan ditut lasterketan* [e.] Ondo sentitu naiz lasterketan.

 

sentsazio onak izan* e. ondo sentitu. Kiroletako klixe gogaikarria da. Entrenamenduetan sentsazio onak izan ditu*[e.] Entrenamenduetan ondo sentitu da.

 

sentsazionalismo, sentsazionalista.

 

seny. Katalanez, neurrian, egoki eta zuhur jokatzeko sena.

 

senyera. Bandera katalana.

 

serbokroaziera. 'Bosniera', 'kroaziera' eta 'serbiera' ere deitzen zaio, baina hizkuntza bat bakarra da.

 

serieko hiltzaile* e. saileko hiltzaile.

 

seringueiro. Brasilgo kautxu biltzailea.

 

serio. 'Garrantzitsu' edo 'larri' adierazteko, hobe ez erabiltzea. Sinetsita geunden PPk enbrioien duintasuna aipatzen zuenean gai serio bat zuela gogoan*[e.] Sinetsita geunden PPk enbrioien duintasuna aipatzen zuenean gai garrantzitsu bat zuela gogoan. // Gaixotasun serioa*[e.] Gaixotasun larria.

 

seropositibo. GIBduna, giza immunoeskasiaren birusa duena.

 

sesio 1. Liskarra.

 

sesio 2* e. saio, bilera.

 

sesio 3* e. emanaldi. Gaueko sesioan ikusi nuen filma*[e.] Gaueko emanaldian ikusi nuen filma.

 

set 1. Tenis partiden atala.

 

set 2* e. plato. Zineman eta telebistan, filmatzeko edo grabatzeko agertokia.

 

setio egoera.

 

Setmana Catalana. Kataluniako txirrindulari lasterketa.

 

sex shop. Sexu denda.

 

sex symbol. Sinbolo sexuala.

 

sex-appeal. Sexu erakarmena.

 

sexismoa. Ikus 'Deontologia' atala.

 

sexting. Gailu elektroniko baten bidez mezu, irudi edo bideo sexualak bidali, jaso edo zabaltzea.

 

sexu. Biologikoa. Ez nahasi generoarekin. Generoa eta aspirina: Bayer etxearen pilula ezagunak ez die berdin eragiten gizonei eta emakumeei*[e.] Sexua eta aspirina: Bayer etxearen pilula ezagunak ez die berdin eragiten gizonei eta emakumeei.

 

sexu abusu, sexu eraso, sexu jazarpen. Sexu askatasunaren kontrako delituak. Ez nahasi sexu erasoak eta genero indarkeria: 'genero indarkeria' terminoa zabalagoa da, eta, sexu erasoak ez ezik, bestelako tratu txarrak ere izendatzen ditu.

 

sexy (sexi*).

 

sezesio. Politikan, banaketa, banakuntza. Estatu Batuetako Sezesio Gerra.

 

sezesionismo, sezesionista. Sezesioaren aldeko joera; horren aldekoa.

 

sha*, shah* e. xah.

 

shampoo*, shampooing* e. xanpu.

 

share* e. ikusle kuota. Ikusleen ehunekoa, ordu jakin batean telebista ikusten ari direnak kontuan harturik kalkulatua.

 

sheriff.

 

shii*, shiita* e. xiita.

 

shintoismo* e. xintoismo.

 

shock 1. Medikuntzan. Shock terapia.

 

shock 2* e. kolpe. Bagenekien noizbait gertatuko zela, baina ez genekien zein gogorra izango zen. Hau shock handia izan da guretzat*[e.] Bagenekien noizbait gertatuko zela, baina ez genekien zein gogorra izango zen. Hau kolpe handia izan da guretzat.

 

show* e. ikuskizun, ikuskari, ikusgarri.

 

sidekar.

 

siderazio.

 

Sierra de Cantabria* e. Toloño (mendilerroa).

 

sievert. Beretutako erradiazio ionizatzailearen dosi baliokidea neurtzen duen unitatea. Sinboloa 'Sv' da.

 

sifilis (sifili*).

 

siglak. Ikus 'Idazkuntza', 'Ortotipografia' eta 'Onomastika' atalak.

 

sikhismo, sikh (sijismo*, sij*). Indiako erlijio nagusietako bat, Punjaben indar handia duena; haren jarraitzailea.

 

sikiatria*, sikiatra* e. psikiatria, psikiatra.

 

sikologia*, sikologo* e. psikologia, psikologo.

 

simaur (ximaur*).

 

simulatu, simulazio. Itxuratu, itxuratzea. Istripu bat simulatu zuten zentral nuklearrean.

 

sinadura. Izenpea. Gutun eta artikuluen sinatzaileak zerrendatzen dira, ez sinadurak. Maria Agirre eta beste 10 sinadura*[e.] Maria Agirre eta beste 10 sinatzaile.

 

sinadura ekitaldi* e. sinatze(ko) ekitaldi. Hitzarmenaren sinadura ekitaldia*[e.] Hitzarmena sinatzeko ekitaldia.

 

sinboloak. Ikus 'Ortotipografia' atala.

 

sindic de greuges* e. (Kataluniako) ararteko.

 

sindikalgintza* e. sindikalismo.

 

sine die* e. eguna jarri gabe. Latinezkoa esapidea da.

 

sine qua non* e. ezinbesteko.

 

sinesbera, sinesgabe, sinesgaitz, sinesgarri, sinesgogor, sineskera, sineskor, sinesmen, sinestezin, sinestun, sinetsarazi.

 

sinetsi. Pertsona bati dagokionean, bi erregimen ditu, bata Hegoaldean ('nor-nori-nork') eta bestea Iparraldean ('nor-nork'). Sinesten dizut. Sinesten zaitut.

 

sinetsi, sinestatu, sinistu (sinestu*).

 

single. Disko mota.

 

Sinn Fein. Irlandako alderdi politikoa.

 

sinopsi. Laburpena.

 

sinposio (sinposium*, symposium*).

 

sintoismo* e. xintoismo.

 

sionismo, sionista. Palestinan estatu judua eratzeko sorturiko mugimendua; mugimendu horretako kidea. Ez nahasi 'judu' eta 'israeldar' kontzeptuekin.

 

sir. Letra xehez idazten da.

 

sistema inmune* e. immunitate sistema.

 

sit-com* e. komedia. Telebistan, umorezko telesail mota.

 

sitcom. Komedia mota.

 

Sixtoren Kapera (Sixtotar Kapera*, Kapera Sixtinoa*).

 

skate, skating, skater. h. irristailu, irristatze, irristatzaile.

 

skeet. Tiro modalitatea.

 

skeleton. Neguko olinpiar kirola, leraz egiten dena.

 

sketch* e. esketx.

 

skin, skinhead, kaskamotz.

 

slackline. Funanbulismoaren antzeko kirola.

 

slalom* e. eslalom.

 

slogan. Eslogana. Euskaltzaindiaren Hiztegian bi formak ageri dira. BERRIAk 'eslogan' erabiliko du.

 

Slow Food. Nazioarteko erakundea, janari lasaiaren aldekoa. Mugimendu bat ere bada.

 

slow food* e. janari lasai.

 

smartphone. Ordenagailuen funtzio batzuk dituen sakelako telefonoa, hala nola posta elektronikoa eta Interneterako sarbidea.

 

smog* e. ke laino. Kutsadurak hirietan sorturiko ke lainoa.

 

smoking. Esmokina. Euskaltzaindiaren Hiztegian bi formak ageri dira. BERRIAk 'esmokin' erabiliko du.

 

snob*, snobismo* e. esnob, esnobismo.

 

snooker. Billar modalitatea.

 

snowboard, snowboarder. Elurretako surfa; elurretako surflaria.

 

snuff movie. Zinemako azpigeneroa, egiazko krimenen irudiak erabiltzen dituena.

 

soberania. Gehiegia, soberakina.

 

soberanista* e. subiranista.

 

sobiet, sobietar (soviet*).

 

Sobietar Errepublika Sozialisten Batasuna, -a (SESB). Laburrago, 'Sobietar Batasuna'.

 

sobirano* e. subirano.

 

sobredosi* e. gaindosi. Batzuetan, 'droga gehiegi hartu' ere erabil daiteke.

 

Sofia Erregina ospitalea, -a. Tuterako erietxea.

 

software. Informatikan, programak.

 

software jabedun. Librea ez dena.

 

soia* e. soja.

 

soinu banda. h. musika. Zoragarria da filmeko soinu banda*[e.] Zoragarria da filmeko musika.

 

soja (soia*).

 

soka. Musika tresnek ez dute sokarik: hariak dituzte. Hari instrumentuak.

 

sokaldi (kordada*). Eskaladan eta alpinismoan.

 

Sokaren Etxea, -a (Gordoi Etxea*, Kordoi Etxea*, Cordon Etxea*).

 

sokatira, sokatiralari (soka-tira*).

 

solastatu (solastu*).

 

Soldadu Ezezagunaren Hilobia, -a. Parisko monumentua.

 

Solidarnosc (Solidarnosk*). Poloniako sindikatuen batasuna, 1980an sortua.

 

solista. Musikan, 'bakarlaria'.

 

solo. Musikan, bakarkako saioa.

 

Soltxateko industrialdea, -a (Agustinoak*, Agustindarrak*). Iruñeko industrialdea.

 

Solutre aldia, -a (solutrense*).

 

soluziobide* e. konponbide, irtenbide.

 

Solzhenitsin, Aleksandr (Solzhenitsyn*).

 

sommelier (sumiller*). Jatetxeko ardo zerbitzuaz arduratzen dena.

 

sonda*, sondeo*, sondeatu*, sondaketa*, sondatzaile* e. zunda, zundatu, zundaketa, zundatzaile.

 

sor-marka (jatorrizko izendapen*, sormarka*). Jatorri izena.

 

Sorbona (Sorbonne*). Parisko unibertsitaterik ezagunena.

 

sorgin dantza. Inauterietako dantza.

 

sormen, sorkuntza. Ez dira sinonimoak: sormena sortzeko gaitasuna da; sorkuntza, berriz, sortzea bera.

 

sorpasso. Nagusi izan ohi den alderdi politikoari beste bat gailentzea.

 

sorrarazi (sortarazi*). 'Sortu' aski denean, ez erabili 'sorrarazi'. Horrek tentsioa sorrarazi du langileen artean*[e.] Horrek tentsioa sortu du langileen artean.

 

sortarazi* e. sorrarazi.

 

sorte* e. zorte.

 

sortu. Kontuz erredundantziarekin, batez ere 'berri' hitza tartean denean. Lurralde lehorretan euria eragiteko sistema berri bat sortu dute Israelgo ikertzaileek*[e.] Lurralde lehorretan euria eragiteko sistema bat sortu dute Israelgo ikertzaileek.

 

Sortzen. Lehen, 'Sortzen Ikasbatuaz' .

 

SOS Balkanak (SOS Balkanes*).

 

sostengu, sostengatu (sustengu*, sustengatu*). Euskaltzaindiaren Hiztegian, 'u' duten formak ere onartzen dira, baina BERRIAk ez ditu erabiliko.

 

sostenidu*, sostenitu* e. diese. Musikan, nota mota; hura adierazten duen ikurra.

 

souvenir* e. oroigarri.

 

soviet* e. sobiet, sobietar.

 

sozialdemokrata, sozialdemokrazia.

 

sozietate. Elkarte mota. Kapital aldakorreko sozietatea, lan sozietatea, merkataritza sozietatea, sozietate anonimoa, sozietate kolektiboa, sozietate kooperatiboa, sozietate mugatua, sozietate zibila.

 

sozioekonomiko, soziokultural, soziolinguistiko, soziopolitiko (sozio-ekonomiko*, sozio-kultural*, sozio-linguistiko*, sozio-politiko*).

 

spa. Hidroterapia etxea.

 

spaghetti* e. espageti.

 

spaghetti western. Zinema generoa.

 

spam. Mezu elektronikoa, erabiltzaileak eskatu gabeko propaganda edo informazioa ematen duena.

 

sparring.

 

speaker* e. hizlari, esatari.

 

speech* e. hitzaldi, mintzaldi.

 

speed. Droga mota.

 

speed metal. Musika mota.

 

spin-off. Telesail edo film mota, aurreko batetik sortua, pertsonaiaren baten arrakastaz baliatu eta hura protagonista bihurturik.

 

spoiler. Ikus-entzunezkoez mintzatuz, filma edo dena delakoa ikusi gabe duenari istorioaren parte garrantzitsu bat kontatzea, nahita ala nahi gabe.

 

sponsor* e. babesle.

 

spot* e. iragarki.

 

spray* e. esprai.

 

sprint*, sprinter* e. esprint, esprinter.

 

spyware. Software gaiztoa, erabiltzailearen gustuak eta bestelako informazioa jakiteko erabiltzen dena.

 

squash. Kirol mota.

 

squatter* e. eskuater, etxe okupatzaile.

 

stadium* e. estadio.

 

staff* e. langile talde. Ez erabili 'zuzendaritza' adierazteko.

 

Stalin, Iosiv.

 

stand. h. erakusmahai, erakusleku.

 

star* e. izar.

 

start-up (start up*, startup*). Enpresa hasiberria baina bizkor handitzen ari dena, informazio eta komunikazio teknologien inguruan sortua.

 

statu quo. Oraingo egoera.

 

status* e. estatus.

 

stock. Biltegian dagoena.

 

stock option (stock options*). Akzioak erosteko aukera.

 

Stockholmgo sindromea, -a (Stockholm sindromea*).

 

stop. Autoa ez zen gelditu stopean.

 

Strauss-Khan, Dominique (Strauss Khan*).

 

streaming. Interneteko ikus-entzunezko fitxategiak ikusteko modua ematen duen teknika, aldez aurretik deskargatu gabe.

 

stress* e. estres.

 

stricto sensu* e. zentzu hertsi. Latinezko esapidea da. Hitzaren esanahia hori da, stricto sensu*[e.] Hitzaren esanahia hori da, zentzu hertsian.

 

striptease, striper, streaking.

 

su artifizial. h. su festa.

 

Su Ta Gar (Su ta Gar*).

 

su-eten (sueten*). Menia, tregoa.

 

sub iudice. Ebazteko, ebatzi zain. Latinezko esapidea da.

 

subdesarroilatu*, subdesarroilo* e. azpigaratu, azpigarapen, garatu gabe.

 

subentzio* e. (diru) laguntza.

 

subertsio, subertsibo.

 

subirano, subiranotasun, subiranismo, subiranista (subirautza*).

 

subiranotasun. Burujabetza.

 

subjektibo, subjektibotasun (subjetibo*, subjektibitate*).

 

subjektu (subjetu*).

 

subjektu segidak. Ikus 'Idazkuntza' atala.

 

submarinismo* e. urpekaritza, urpeko arrantza, urpeko kirolak, itsaspekaritza, itsaspeko arrantza, itsaspeko kirolak.

 

submarinista* e. urpekari, itsaspekari.

 

submarino 1* e. urpeko, itsaspeko. Urpean dabilen ontzia. Jules Verneren eleberrietan agertu zen lehen aldiz urpekoen antzeko zerbait.

 

submarino 2* e. ur azpiko, urpeko, itsasoko. Hodi submarinoa*[e.] Ur azpiko hodia. // Animalia submarinoak*[e.] Itsasoko animaliak.

 

subprime. Arrisku handiko mailegu hipotekaduna.

 

subsidio. Administrazioak edo erakunderen batek ematen duen oinarrizko laguntza.

 

subsistema* e. azpisistema.

 

substantzia (sustantzia*).

 

suertatu. Neurrian erabili. Bi lagun zauriturik suertatu dira*[e.] Bi lagun zauritu dira.

 

suerte. h. zorte.

 

sufragio, sufragista.

 

sugetzar* e. folletoi.

 

suhiltzaile etxe (suhiltzaile parke*).

 

sui generis* e. bere gisako, berezi. Kultura sui generis samarra*[e.] Kultura berezi samarra.

 

suin* e. suhi.

 

suite 1. Musika konposizioa, barrokoan oso erabilia.

 

suite 2. Hoteletako gela mota.

 

suizidatu* e. bere burua hil, bere buruaz beste egin.

 

suizidio lagundua, -a (lagundutako suizidio*, lagunduriko suizidio*).

 

suizidio, suizida.

 

sujeritu*, sujerente*, sujerentzia* e. iradoki, iradokitzaile, iradokizun.

 

sujet. Bertso, pastoral, tobera eta besteren gaia.

 

sukaldatu* e. (janaria) prestatu / egin, kozinatu.

 

sukar aftoso* e. ahoeri. Hausnarkarien eta txerrien eritasuna.

 

Sukarrieta, Sukarrietako hondartza.

 

sukre* e. azukre.

 

sukurtsal. Bankuen bulegoa.

 

sumario. Zuzenbidean, prozesuaren atal bat.

 

sumatu (somatu*).

 

sumertar (sumeriar*). Sumerkoa.

 

suna (sunnah*). Mahomaren esanak eta eginak.

 

sunita, sunismo (suni*, sunni*).

 

suntsipen handiko arma (suntsipen masiboko arma*).

 

super. Gasolina superra.

 

Super Bowl. Futbol amerikarreko finala, Ameriketako Estatu Batuetakoa.

 

super-. Neurrian erabili. Superarin (boxeoa), superego, supereroale, superestratu, supergizaki, superheroi, superilargi, superintendente, superizar, superlur, supermerkatu, supernoba, superordena (biologia), superpotentzia, superprodukzio (zinema), supersoniko.

 

superabit.

 

supernova* e. supernoba.

 

Supersur. h. Bilboko hegoaldeko saihesbidea.

 

suplikatorio. Zuzenbidean, parlamentari bat atxilotzeko edo auzipetzeko epaileak edo auzitegiak parlamentuari eskatzen dion baimena.

 

suposatu 1. h. uste izan, pentsatu. Suposatzen dut pozik egongo dela*[e.] Uste dut pozik egongo dela. Pentsatzen dut pozik egongo dela.

 

suposatu 2* e. eman, jo. Suposatu dezagun oker zaudela*[e.] Eman dezagun oker zaudela. Jo dezagun oker zaudela.

 

suposatu 3* e. ekarri, eskatu. Ordura arte idatzitakoa iraultzea suposatu zuen belaunaldi berriak*[e.] Ordura arte idatzitakoa iraultzea ekarri zuen belaunaldi berriak. // Ahalegin handia egitea suposatzen du horrek*[e.] Ahalegin handia egitea eskatzen du horrek.

 

suposatu 4* e. adierazi, esan nahi izan. Finala jokatzeak zer suposatzen du zuretzat?*[e.] Finala jokatzeak zer esan nahi du zuretzat?.

 

supporter* e. zale, jarraitzaile.

 

suprefet, suprefetura.

 

sureño* e. hegotar. XIX. mendeko AEBetan, hegoaldeko estatuen aldekoa.

 

surf, surf egin, surf ohol, surflari (surfer*).

 

susmo. Kontuz esaldia jostean. Zuk bazenuen haserre nagoenaren susmoa*. Zuk bazenuen haserre nagoelaren susmoa*[e.] Zuk bazenuen haserre nagoen susmoa. Zuk bazenuen haserre nagoelako susmoa.

 

suspenditu* e. eten, geldiarazi, bertan behera utzi, bertan behera geratu.

 

suspense (suspentse*).

 

suspertu (zuzpertu*).

 

sustantzia. Ganora.

 

sustantzia 2* e. substantzia.

 

sustengatu* e. sostengatu.

 

suzko zezen* e. zezensuzko.

 

svastika (esbastika*).

 

swap. Ekonomian, finantza eragiketak trukatzeko akordioa.

 

swing 1. Musika mota.

 

swing 2. Golfeko eta boxeoko kolpe mota.

 

swing state* e. estatu aldakor. Ameriketako Estatu Batuetako hauteskundeez mintzatuz, orain demokraten alde eta orain errepublikanoen alde bozkatzen duen estatua.

© Berria.eus - Euskal Editorea SM    •   Martin Ugalde kultur parkea, Andoain 20140
Telefonoa: 943-30 40 30  •   Faxa: 943-59 01 72  •  Posta elektronikoa: estiloliburua@berria.eus
webgunearen mapa