HIZTEGIA

A B C D E F G H I J K L M N O P Q R S T U V W X Y Z
 

T Bidea, -a (Via T*).

 

Tabakalera. Donostiako eraikina, Kultura Garaikidearen Nazioarteko Zentroaren egoitza.

 

tabako denda.

 

tableta (tablet*). Ordenagailu eramangarria, pantaila ukituz erabiltzen dena.

 

tablo* e. margolan.

 

tabloide. Egunkari formatua, tradizionala baino txikiagoa.

 

tabula rasa egin* e. hutsetik hasi. Latinezko esapidea da 'tabula rasa'.

 

taekwondo. Borroka kirola.

 

taekwondolari. Taekwondo borrokalaria.

 

tagliatelle (tallarin*, tailateile*). Pasta mota.

 

tai txi (tai chi*, taiji quan*).

 

tailatu* e. landu, zizelkatu.

 

tailer. h. lantegi. Artistaren lantegian bertan ikusi genituen eskulturak.

 

taju*, tajutu* e. taxu, taxutu.

 

talde artistikoak. Ikus 'Onomastika' atala.

 

taldeko aktorerik onena (bigarren mailako aktore onena*). Bigarren mailako emakumezko aktorerik onenaren saria eman diote*[e.] Taldeko emakumezko aktorerik onenaren saria eman diote.

 

talentu (talento*).

 

taliban. Afganistango integrista sunita. Arabieraz, 'ikasle' esan nahi du 'talib' hitzak.

 

talion legea* e. begia begi truk, hortza hortz truk.

 

talk show. Nork bere bizipenak kontatzeko telesaioa.

 

talka 1. Animalia adardunek jotako kolpea. Aharien talka izugarriak ikusirik, beldurtu egin ginen.

 

talka egin 2* e. (elkar) jo. Istripuetan-eta. Kamioiak talka egin zuen hormarekin*[e.] Kamioiak horma jo zuen.

 

Talmud. Tradizio juduak jasoriko legeen bilduma.

 

taloi* e. txeke.

 

tam-tam. Musika tresna.

 

tamaina (tamainu*).

 

Tamesis (Thames*). Erresuma Batuko ibaia.

 

tamil tigre. Sri Lankako gerrilla bateko kideak dira: Tamil Eelam-eko Askatasun Tigreak gerrillakoak.

 

tanatorio* e. beilatoki.

 

Tanatos (Thanatos*).

 

tandem. Birentzako bizikleta. Ez erabili irudizko zentzuan. Tandem ona dira Nihat eta Kovacevic*[e.] Bikote ona dira Nihat eta Kovacevic.

 

Tanganyika (Tanganica*, Tanganika*). Afrikako aintzira.

 

tanto (tantu*).

 

Tanttaka (Ttanttaka*, Ttantaka*). Euskal Herriko antzerki taldea.

 

Tapia, Arantxa (Arantza*).

 

tapoi-estatu (estatu tapoi*).

 

tarifa lau* e. tarifa finko.

 

Tartalo. Mitologiako pertsonaia begibakarra.

 

tartean. Osagarriak 'nor' kasuan behar du. Ezkerreko joera politiko gehienek bat egin dute deialdiarekin, abertzaleek, komunistek, ezker muturrekoek eta PSko sektore batek tartean*[e.] Ezkerreko joera politiko gehienek bat egin dute deialdiarekin, abertzaleak, komunistak, ezker muturrekoak eta PSko sektore bat tartean.

 

tartekiak. Ikus 'Idazkuntza' atala.

 

tarteko. Gogoan izan beste esapide hauek ere: 'dela medio', 'dela kausa', 'dela eta' . Zenbait arrazoi tarteko, ez zuen bete epea.

 

tatuatu, tatuaje.

 

tax lease. Enpresek ordaindu beharreko zergak gutxitzeko operazio mota. 2011n, salaketa bat jarri zuten 'tax lease'-aren kontra.

 

taxista* e. taxi gidari, taxilari.

 

taxu, taxutu (taju*, tajutu*).

 

Teatro Real (Errege Antzokia*). Madrilgo antzokia.

 

tebeo* e. komiki.

 

techno (tecno*). Musika mota. Musika technoa*[e.] Techno musika.

 

tekila (tequila*). Mexikoko edari alkoholduna.

 

teknikari. Teknika jakin bat ezagutzen duen pertsona. Izena da.

 

tekniko. Teknikari dagokiona. Izenondoa da.

 

teknikolor (Technicolor*). Koloretako zineman, lehen sistemetako bat. Marka bat zen (Technicolor), baina hitz arrunt bihurtu da, 'zinemaskope' bezala.

 

Tele5. Espainiako telebista kate pribatua. Honela irakurtzen da: /telecinco/.

 

telebista kateak. Hona hemen telebista kate batzuk: ETB1, ETB2, ETB3, ETB Sat, ETBK Sat, Hamaika, La1, La2, Antena3, Cuatro, Tele5, La Sexta, TF1, France2, France3, Canal +, M6, France5, Arte.

 

telefilm (telefilme*, telemovie*, TV movie*).

 

telefonia. Telefonia mugikorra.

 

telefono mugikor* e. sakelako (telefono), eskuko (telefono).

 

teleikusle. Telebista ikuslea. Gehienetan, aski da 'ikusle'.

 

telekomando. Telebista urrunetik gidatzeko tresna.

 

telelaguntza (teleasistentzia*).

 

telemovie* e. telefilm.

 

telenobela. Folletoia.

 

teleordainketa (telepeaje*).

 

telerrealitate (teleerrealitate*). Telebista generoa.

 

telezabor.

 

telonero* e. hasierako talde.

 

tempo. Musika lanak jotzeko lastertasuna edo abiadura.

 

teniente. Lotinanta.

 

tenis, tenislari.

 

tenkatu (teinkatu*).

 

tenor. Opera kantaria. Deklinatzeko orduan, 'r' gogorra erabiltzen da. Tenorra zen gaztetan.

 

tenore. Garaia, ordua.

 

tenperatura. Eguraldiaz mintzatuz, gehiegi erabiltzen da, tradizioko esapideak baztertzeraino. Tenperaturek gora egingo dute*[e.] Epeldu egingo du. Berotu egingo du. // Tenperaturak behera egin du*[e.] Freskatu egin du. Hoztu egin du.

 

teorialari. Jakintza arloren baten alde teorikoa lantzen duen pertsona. Izena da.

 

teoriko. Teoriari dagokiona. Izenondoa da.

 

Ter-Pretosian, Levon (Petrosyan*, Petrossian*).

 

Teresa Jesusena edo Teresa Avilakoa, -a (Teresa de Jesus*).

 

terminal 1. Aireportuetan, hegazkinetara joateko instalazioa. Artesi gehiago agertu dira Paris ondoko Roissy-Charles de Gaulle aireportuko 2E terminalean.

 

terminal 2. Hilurrena. Hilurreneko gaixoa, gaixo hilurrena edo gaixo terminala.

 

Terminala, -a. Frantzian, bigarren mailako ikasketetako azken ikasturtea. Terminaleko ikasleek emaitza onak bildu zituzten etsaminean.

 

terraformazio. Argizagi batean esku hartzea, atmosfera, tenperatura eta beste egokituz, bertan bizitzeko modua egiteko.

 

Terrorismoaren Biktimen Oroimenezko Zentroa, -a (Biktimen Memoriala*). Laburturik, 'Biktimen Oroimenezkoa'.

 

tertulia, tertuliakide (tertuliano*). Solasaldia, solaskidea.

 

testu bukaera. Ikus 'Idazkuntza' atala.

 

testu hasiera. Ikus 'Idazkuntza' atala.

 

testuaren egitura. Ikus 'Idazkuntza' atala.

 

testuliburu (testu liburu*).

 

tetrabrik. Ontzi mota.

 

TF1. Frantziako telebista katerik zaharrena (lehen, Télévision Française 1). Pribatua da 1987az geroztik.

 

The New York Times (New York Times*).

 

think tank. Ideiak sortzeko taldeak, independenteak zein erakunde edo gobernuren baten mendekoak. Presio taldeak izaten dira.

 

thrash, thrash metal. Musika motak. Musika thrasha*[e.] Thrash musika.

 

thriller. Zinema generoa.

 

Tiananmen. Pekingo plaza ezaguna.

 

tie-break. Tenisean, berdinketa hausteko sistema.

 

tifosi. Futbolzale italiarra.

 

tik 1. Keinu errepikatua.

 

tik 2 (tick*). Zerbait ontzat emateko marka.

 

tilista* e. dilista.

 

timatu*, timatzaile*, timo* e. iruzur egin, engainatu, iruzurgile. Erabil daitezke 'txuliatu' eta 'txuliatzaile' ere, baina kontuan harturik adierazkorrak direla.

 

time-lapse (time lapse*, timelapse*). Irudi finkoak hartu eta, gero, hartu baino bizkorrago ematen dituen teknika fotografikoa.

 

timoi* e. lema.

 

tindatu (tintatu*).

 

tinkatu (tinkotu*).

 

tintatu* e. tindatu.

 

tipex. Idatzia ezabatu eta gainean idazteko likido zuria. Hori ekoizten duen marka ezagunena Tipp-Ex da. Ikusleak, hitz bat aukeratu, tipexarekin ezabatu behar du.

 

tipi* e. ttipi, txiki.

 

tipi-tapa. Pausoaren onomatopeia.

 

tipo* e. tasa. Truke tasa, interes tasa.

 

tira*, komiki tira* e. zinta, komiki zinta. Komikietakoak zintak dira. Patxi Huarte marrazkilari nafarrak liburua osatu du komiki tirekin*[e.] Patxi Huarte marrazkilari nafarrak liburua osatu du komiki zintekin.

 

tiradera (kaxoi*).

 

tiramen. Helmena. Misil berriek tiramen handiagoa dute.

 

tiro poligono* e. tiro eremu. Bardeako tiro eremua.

 

tiroide. Lepoko guruina. Tiroideetako minbizia*[e.] Tiroideko minbizia.

 

tiroketa (tiraketa*). Plater tiroketa. Uso tiroketa.

 

Tirreno-Adriatikoa, -a. Txirrindulari proba.

 

titare (ditare*).

 

titular 1. Kirol taldeetan, hasieratik jokatu ohi duena.

 

titular 2* e. titulu. Prentsako berrien izenburua.

 

titulu 1 (tilular*). Izenburua, bereziki prentsan.

 

titulu 2. Finantza agiria.

 

tituluak. Ikus 'Informazioa eta interpretazioa', 'Idazkuntza' eta 'Ortotipografia' atalak.

 

tixerta (T-shirt*, tixert*, tisert*). Elastikoa.

 

Tiziano (Ticiano*, Titien*).

 

tobera (dobera*).

 

Tobin tasa. Finantza transakzioen gaineko zerga.

 

todoterreno* e. noranahiko, 4x4 auto.

 

toki, tokiko, tokian tokiko. Toki administrazioa. Tokiko telebistak. Tokian tokiko usadioak.

 

tolare* e. dolare.

 

Toledoko alkazarra, -a (alcazar*). Espainiako Toledo hiriko gotorlekua.

 

tolestu (tolestatu*).

 

tolestura (tolesdura*).

 

tolet (tolete*, toleta*). Arraunari eusten dion pieza.

 

Tomas Akinokoa, -a (Tomas de Aquino*, Thomas d'Aquin*). Filosofo eta teologo italiarra, XIII. mendekoa.

 

tomo. Liburukia.

 

tona (tonelada*). Mila kilo, nazioarteko unitate sisteman.

 

Toña. Busturiko hondartza.

 

tona petrolio baliokide, tpb (toe*, tep*). Energia unitatea.

 

tonbola.

 

tontakeria (tontokeria*).

 

tonu (tono*).

 

top manta*, mantero* e. kaleko salmenta, kopia piraten salmenta, kaleko saltzaile...

 

top model. Punta-puntako moda modeloa.

 

top secret. Isildu beharrekoa. Inoren esanetan bakarrik erabiltzekoa.

 

Top14. Frantziako errugbi txapelketa.

 

topean*, topera* e. bete-betean, eginahalean, eman ahal guztian, dena emanda, buru-belarri, jo eta ke, jo eta su.

 

topless. Bularra bistan.

 

Topoa, -a. Euskotrenek kudeatzen dituen lineetako bat.

 

Tora. Itun Zaharreko lehen bost liburuei juduek emaniko izena.

 

toreatu, toreatzaile, torero.

 

tornado.

 

tornillo* e. torloju.

 

torpe* e. baldar, moldakaitz, trakets, zakar.

 

torpedo.

 

torrada (torrija*). Inauterietan jan ohi den gozokia.

 

tortilla. Arrautzopila.

 

tortoka* e. dortoka.

 

tory. Erresuma Batuko Alderdi Kontserbadoreko kidea.

 

tosta. Traineruetako eserlekua.

 

tour operator* e. bidaia antolatzaile. Enpresa handiak izan ohi dira.

 

Tourra, -a. Frantziako txirrindulari itzulia.

 

toxikatu*, toxikazio* e. intoxikatu, intoxikazio, pozoitu, pozoitze.

 

trabagarri (bolardo*). Hiri eta herrietan, ibilgailuei bidea ixteko jartzen den oztopoa. Hiri erdialdean trabagarri gehiago jartzekotan dira.

 

trabesti (travesti*).

 

trafikatzaile. Droga trafikatzailea, arma trafikatzailea.

 

trafiko 1. Legez kanpoko salerosketa, hala nola drogena eta armena.

 

trafiko 2. h. zirkulazio. Ibilgailuen joan-etorria.

 

tragedia, tragikomedia, tragiko (trajedia*, trajeria*, trajiko*).

 

trailer 1. Kamioi mota.

 

trailer 2. Filmak iragartzekoa.

 

traineru, trainerilla.

 

traje, trajedun.

 

trajeria* e. tragedia.

 

traka. h. petardo(ak), petardo sorta, petardo soka. Su festei buruz mintzatuz, 'azken zalaparta' ere erabil daiteke.

 

trakta* e. eskupaper.

 

traktore (traktur*, tratur*).

 

tramiterako onartu (tramitera onartu*).

 

tranpolin. Gimnastikan eta beste kirol batzuetan erabiltzen den jauzi ohola.

 

transatlantiko.

 

transbertsal, transbertsaltasun (transbersal, transbersaltasun*).

 

transbordadore.

 

transexual. Bere ezaugarri biologikoengatik jaiotzean ezarri zaion generokoa ez baizik bestekoa sentitzen dena. Laburturik, 'trans'.

 

transfer. Kiroletan, jokalari bat talde batetik bestera joateko behar den baimena.

 

transferitu. h. eskualdatu. Gernikako Estatutua bete eta eskumen hori transferitu egin beharko luke*[e.] Gernikako Estatutua bete eta eskumen hori eskualdatu egin beharko luke.

 

transfobia, transfobo. Transen kontrako jarrera edo gorrotoa; transfobia duena.

 

transfuga. Hautesleek aukeratu ondoren bere alderdi politikoa uzten duen politikaria, beste alderdi politiko bati laguntzeko.

 

transfunditu* e. (odola) aldatu, isuraldatu. Odola transfunditu eta gerora jakin zen odol emailea Creutzfeldt-Jakob gaitzarekin hil zela*[e.] Odola aldatu eta gerora jakin zen odol emailea Creutzfeldt-Jakob gaitzarekin hil zela.

 

transgenero. Bere ezaugarri biologikoengatik jaiotzean ezarri zaion generokoa ez baizik bestekoa sentitzen dena, edo ez genero tradizional batekin eta ez bestearekin identifikatzen ez dena. Laburturik, 'trans'.

 

transgeniko. Ezaugarriak aldatzeko material genetiko berria txertatu dioten organismoa. Janari transgenikoa, arto transgenikoa.

 

transhumantzia (transumantzia*, trantsumantzia*).

 

transistore (trantsistore*).

 

transmedia. Euskarri bat baino gehiago elkarren osagarri erabiliz komunikatzen den istorioari esaten zaio. Transmedia kontaera berriak.

 

trantsizio.

 

trantsiziorako legea, -a (trantsitorietate legea*).

 

traol (almohadila*, almohadilla*, hash*). # sinboloaren izena. Hedaduraz, hala deitzen zaie Twitterreko etiketei ere.

 

trapu. Ez erabili estropadetako bandera adierazteko. Arraunlariak, trapua astintzen*[e.] Arraunlariak, bandera astintzen.

 

traspasatu*, traspaso* e. eskualdatu, eskualdatze.

 

tratatu 1. Oso ondo tratatu gintuzten.

 

tratatu 2* e. itun, hitzarmen.

 

trattoria. h. jatetxe italiar.

 

travelling. Zineman, kamera mugitzeko modu bat.

 

travesti* e. trabesti.

 

trazabilitate. Produktu baten edo bestelako aztergai baten jatorri, ibilbide, prozesu eta kontrol erregistratuek osatzen duten informazioa; horiek zehazteko gaitasuna.

 

trazaketa* e. ibilbide.

 

tregoa (tregua*). Su-etena, menia.

 

trekking egin (senderismo*). Mendi ibilaldiak egin.

 

trending topic. h. boladako gaia. Twitterri buruz mintzatuz, denbora tarte batean gehien agertutako hitza edo gaia.

 

trenkatu (trinkatu*). Erabaki.

 

triatloi, triatloilari.

 

triki-bertso poteo.

 

trikiti, trikitilari (trikitixa*).

 

trilateral. Hiru aldekoa. Baina 'Trilaterala' deritzo nazioarteko organizazio pribatu bati.

 

trilioi (triloi*).

 

trineo* e. lera.

 

trinket, trinketlari (trinkete*).

 

tripi. Argoteko hitza, LSD dosia adierazteko. Inoren esanetan bakarrik erabiltzekoa.

 

triptiko.

 

tristatu (tristetu*).

 

trofeo.

 

troiar / Troiako zaldi. Informatikan, birus mota. Beste fitxategi batean ezkutaturik mugitu ohi dira troiarrak.

 

troika. Hiruk osaturiko agintaritza.

 

troll. Internetez mintzatuz, solasguneetan-eta mezu ezegokiak idazten dituena, solaskideak probokatu eta eztabaida trabatu nahian.

 

trompe l'oeil. Artean, teknika berezi bat.

 

troskismo, troskista.

 

Trotski, Leon.

 

truk, truke. Begia begi truk. Txanpon baten truke.

 

trust. Merkatua monopolizatzeko enpresa taldeak.

 

Tsahal. Israelgo armada. Erabiliz gero, azaldu.

 

Tsakalotos, Euklides (Euclid Tsakalotos*, Efklidis Tsakalotos*). Greziar politikaria.

 

tsar, tsarina, tsarismo, tsarista. Tsarraren seme zaharrenari 'tsarevitx' deitzen zaio.

 

tse-tse euli.

 

tsunami.

 

Ttarttalo. Argitaletxea.

 

ttipi (tipi*). Txikia.

 

Ttipi-Ttapa. Nafarroa eta Lapurdiko aldizkaria (Baztan, Bortziriak, Malerreka, Leitza aldea eta Sara aldea).

 

Ttipi-Ttapa telebista.

 

ttu* e. tu. Listua.

 

tuareg. Tuareg herria.

 

tuit, txio. Twitterren bidaltzen den mezua. Testu espezializatuetan, onartzekoa da 'tweet' forma ere, letra etzanez idatzita. Txioka ibili nintzen arratsalde guztian. Abian da 'Piulla per las llengües' kanpaina (Txioka hizkuntzen alde). Tuit bat bidali nion atzo.

 

tuiteatu* e. Twitterren aritu, txioka aritu, txiokatu, txio bat bidali, tuit bat idatzi...

 

tulipa (tulipan*).

 

tumore (tumor*).

 

tuning. Autoa nork bere gustura moldatzea.

 

tuntun. Emakumeez mintzatuz, tontoa. Gauzak ez dira 'tuntunak'. Film tuntuna eta aspergarria*[e.] Film ergel eta aspergarria.

 

tupamaro. 1962an Uruguain sorturiko mugimendu iraultzaile bateko kidea. 1985ean, armak utzi zituzten.

 

tuper (tupper*). Janaria eramateko ontzia.

 

tupper sex. Denda erotiko batzuen etxez etxeko salmenta zerbitzua.

 

turbante.

 

turko buru izan* e. pagaburu izan.

 

turuturu eguna, -a. Inauterietako hirugarren eguna.

 

Tutankamon (Toutankhamon*). Antzinaroko Egiptoko erregea.

 

tutore, tutoretza (tutoritza*).

 

tutti-frutti. Irudizko zentzuan, hobe 'saski-naski' erabiltzea.

 

TV movie* e. telefilm.

 

Twitter. Mikroblog sare ezaguna.

 

twitteratura. Twitterren eginiko literatura.

 

twitterlari, txiolari. Twitterren aritu ohi dena.

 

txa-txa-txa (cha-cha-cha*). Dantza mota.

 

txador (chador*, tchador*). Emakume musulmanen jantzia, beltza normalean. Burua eta gorputza tapatzen ditu, eta, batzuetan, aurpegia ere bai. Ikus 'hijab'.

 

txaketa* e. jaka.

 

txakolin (txakoli*).

 

txakur arrazak. Afganiar, alano, american pitbull terrier, american staffordshire terrier, arratoi txakur, artzain txakur aleman / ardi txakur aleman (otso txakur*), basset, Bernako bouvier edo Bernako mendiko txakurra (Bouvier Bernois*), border collie, border terrier, boxer, brako, bull terrier, bulldog, bullmastiff, kanixe (poodle toy*), chihuahua, chow-chow, cocker spaniel, collie, dalmaziar, daniar handi (Great Dane*), doberman, dogo (dobatxakur*), dogo argentinar, dogo bordeles, Enkarterriko billano (villano*), Enkarterriko billanuko (villanuco*), erbi txakur edo xarlango, Espainiako galgo (gainerakoak, oro har, 'erbi txakur' dira), euskal artzain txakur, fila brasildar, fox terrier, Gasteizko patxoi, grifoi, husky edo husky siberiar, labrador, labrit txakur, mastin, Nafarroako patxoi, patxoi, pitbull, pointer, presa kanariar, retriever, rottweiler, sanbernardo, setter, spaniel, terrier, txakur pekindar, untxari, urtxakur.

 

txakur kros (canicross*, kanikros*).

 

txalet (chalet*, xalet*).

 

txanda-pasa.

 

txandal. Kirol jantzia.

 

txanpain* e. xanpain.

 

txanpu* e. xanpu.

 

txantaia*, txantaje* e. xantaia.

 

txapeldunorde (azpitxapeldun*).

 

txapeloker. Guardia zibila. Inoren esanetan bakarrik erabiltzekoa.

 

txapeo* e. itxialdi. Espetxeetako protesta mota.

 

txapero* e. prostitutu.

 

txartela lortu* Kiroletako klixe gogaikarria da. Final-laurdenetarako txartela lortu dute*[e.] Final-laurdenetan sartzea lortu dute. Final-laurdenetan sartu dira. // Lauko Finalerako txartela lortu du*[e.] Lauko Finalera pasatu da.

 

txarter hegaldi* e. charter hegaldi. Garraio zerbitzu berezia.

 

txat (chat*). Interneteko solasgunea.

 

txateatu* e. txat batean ibili, txatean jardun...

 

txatxo. Lantzeko inauterietako pertsonaia. Miel Otxin txatxo baten sorbaldan jarri dute.

 

txaubinismo* e. chauvinismo.

 

txeke, txeketegi.

 

txekeo* e. osasun azterketa, mediku(aren) azterketa.

 

txelin (shilling*, xiling*). Austria, Kenya, Somalia, Tanzania eta Ugandako diruen izena.

 

txeroki (cherokee*).

 

txerri hiltzea (txerri hilketa*).

 

txetnik (chetnik*). Faxista serbiarra.

 

Txibite, Maria (Chivite*). Nafar politikaria.

 

txiita* e. xiita.

 

txikano (chicano*). Mexikoko arbasoak dituen herritar estatubatuarra.

 

txikle. Txingoma.

 

txilaba. Tunika mota.

 

Txillida Leku (Chillida-Leku*).

 

Txillida, Eduardo (Chillida*).

 

tximeleta efektua, -a. Kaosaren teoriari dagokion kontzeptua.

 

txinga eroate, txinga proba.

 

txip (chip*).

 

txiringito* e. txosna.

 

txirrindula* e. bizikleta.

 

txirrindularitza. Hauek dira modalitateak: errepideko txirrindularitza; mendiko txirrindularitza; pistako edo pista estaliko txirrindularitza; txirrindularitza akrobatikoa edo BMX; ziklo-krosa.

 

txirringa. Gurpila. Ez erabili 'bizikleta' adierazteko.

 

txirula, txirulari (xirula*, xirulari*).

 

txistera* e. xistera. 1. Pilota jokoa. 2. Kapela mota.

 

txistor. Ez du '-a' itsatsirik. Txistor bat, txistor pintxoa, txistor ogitartekoa.

 

txistu. Hotsa.

 

txita (txito*).

 

txitxare* e. zizare.

 

txitxi-burruntzi eguna, -a (txitxiburduntzi eguna*).

 

Txominenea, -a (Txomin-Enea*, Txomin Enea*). Donostiako auzoa.

 

txori (xori*).

 

txorkatila* e. orkatila.

 

txosna (txozna*).

 

txotx. Sagardoa, txotxetik.

 

txotx denboraldia* e. txotx garaia.

 

txotxongilo (txontxongilo*).

 

txu-txu tren (txutxu tren*, txu txu tren*). Haurrentzako eta turistentzako ibilgailua, tren itxurakoa.

 

txuleta (txuletoi*).

 

txupin* e. suziri, etxafuego, txapligu, bolandera.

 

txupinazo, txupinera.

 

txupito* e. titare, titarekada. Rona edan zuen, pare bat txupito gutxienez*[e.] Rona edan zuen, pare bat titarekada gutxienez.

 

txuri* e. zuri. Dena dela, Realeko jokalariak 'txuri-urdinak' dira. Boto zuria eman du.

 

txute* e. (droga) ziztada.

© Berria.eus - Euskal Editorea SM    •   Martin Ugalde kultur parkea, Andoain 20140
Telefonoa: 943-30 40 30  •   Faxa: 943-59 01 72  •  Posta elektronikoa: estiloliburua@berria.eus
webgunearen mapa