Urtarrilean zabaldu zuten Valenceko kartzela (Frantzia), eta bertan dira Zobaran eta Goieaskoetxea. Esperimental gisa izendatua dute kartzela. Abuztuaren 8tik daude zigor ziega banatan, bakartuta. Eguneko 23 ordu ziegan egiten dituzte.
Duela hiru aste eman zuten senideek haien egoeraren berri: “Mittard-ean dira momentu honetan: galdetzen dute Euskal Herritik hurbilduak izatea eta ahal bezain fite mugituak izatea, presondegi honetan segurtasun arazoak dituztelako”. Azaldu zutenez, bi preso bizkaitarrek ez dute profila presondegi horretan egoteko, eta “presondegiko zuzendaria ados da horrekin”. "Erantzukizuna hartzeko" eskatu zioten Frantziako Gobernuari.
Bagoaz plataformak jakinarazi duenez, Zobaran eta Goieaskoetxea espetxez aldatuko dituzte.
