SABIN ETXEA, 'EUSKOTLAND' BIHURTUTA

Urtero legez,inauteri eguna dela eta, ekimen berezi bat egin du EAJk Sabin Etxean. Eskoziarrez mozorrotu, EAJren egoitza nagusia Euskotland bihurtu, eta Euskal Herriak eta Eskoziak bat egin dezatela eskatu dute jeltzaleek, hala Euskal Herriak ere, erabakitzeko ahalmena izan dezan. «Bikiak gara bi herriak», esan du Andoni Ortuzar BBBko presidenteak eskoziarrez jantzita: «Biak gara burugogorrak, espiritu edariak edaten ditugu eta enborrak mozten ditugu».