Felipe Montoya donostiarra Neguko Olinpiar Jokoetarako sailkatu da

PATINAJE ARTISTIKOA. Felipe Montoya 27 urteko patinatzaile donostiarra PyeongChangeko (Hego Korea) Neguko Olinpiar Jokoetarako sailkatu da. Kolonbian jaio zen, eta 6 urterekin iritsi zen Donostiara, eta Txuri Berri klubean hasi zen lehiatzen. Jokoak otsailaren 9an hasiko dira, eta Montoyak bakarkako proban parte hartuko du. Montoya da ziur sailkatua dagoen euskal atleta bakarra. Lucas Egibarri, Imanol Rojori eta Juan del Campori oraindik ez diete ziurtatu.