Gipuzkoako Lurralde Auzitegiak hamar urteko espetxe zigorra ezarri dio auzipetuari hilketa egitea egotzita; hiru hilabete, osabaren etxean indarrez sartzea leporatuta; beste hiru hilabete, armak baimenik gabe izateagatik; eta sei hilabete, sute bat piztuta eragindako kalteengatik.
Epaileak aintzat hartu du zigortuak eskizofrenia izatea. 2012ko apirilean izan zen erasoa, Lasarte-Orian (Gipuzkoa); tiro eginez hil zuen osaba. Espetxe zigorraz gain, gehienez hogei urtez erietxe batean sartzeko agindu du epaileak, eskizofrenia tratatzeko.
