Iaz egin zuten azterketa Arabako, Bizkaiko eta Gipuzkoako ikastetxeetan. Bi mailatako ikasleei egin zieten proba: lehen hezkuntzako laugarren mailakoei (10 urte) eta derrigorrezko bigarren hezkuntzako bigarren mailakoei (14 urte). Berritasuna izan du azterketak: paperean ez, ordenagailuan egin zuten. Horrek gorabehera batzuk ekarri ditu emaitzetan, Cristina Uriarte Hezkuntza sailburuak ohartarazi duenez. Hortaz, urte bateko eta besteko emaitzen arteko konparaketak ez dira erabat fidagarriak.
Aurreko urteetatik aldatu ez den egoera bat berretsi du probak, nolanahi ere: euskararen irakaskuntzan arazo handiak daude. Aztertutako bi ikasmailetan, gaitasun apala duten ikasleak nabarmen gehiago dira gaitasun aurreratua dutenak baino.
Gaur ez dituzte eman datu horiek ereduka banatuta. Alde handiak izaten dira. Adibiderako, puntuazioetan azaldu den aldea. Publikoan: A ereduan, 185 puntu; B ereduan, 231; eta D ereduan, 257. Itunpekoan: A ereduan, 215; B ereduan, 244; eta D ereduan, 265.
Konparatuz gero euskarazko gaitasuna gaztelaniazkoarekin, berebiziko aldea ageri da.
