Azken hamar urteetan bikoiztu egin dira emakumeen aurkako indarkeria kasuak Araba, Bizkai eta Gipuzkoan. Hala jakinarazi du Eusko Jaurlaritzako Genero Indarkeriaren Biktimen Arretarako Bulegoko zuzendari Mariola Serranok. 2002an, 2.447 izan ziren, eta iaz, 4.858.
Serranok agerraldia egin zuen atzo Eusko Legebiltzarrean, iazko kasuen berri emateko. Hark emandako datuen arabera, 3.829 emakumek jasan zituzten tratu txarrak. 3.395 salaketa jarri ziren. Eraso gehienak 31 eta 40 urte arteko emakumeen kontrakoak izan ziren. Lau kasutik hirutan, erasotzaileak bikotekideak edo bikotekide ohiak izan ziren. Salaketen %19, berriz, familia barruko indarkeriagatik izan ziren, eta %5, sexu askatasunaren aurkako erasoengatik.
Salatzea erabaki zuten emakumeen kopurua %14 igo zen iaz, 2010eko datuekin alderatuz. «Biktimek gero eta konfiantza handiagoa dute babes neurrietan», esan zuen Serranok.
2011ko abenduaren 31ko datuak kontuan hartuta, 59 emakumek etengabeko zaintza zuten; 32k, non zeuden jakiteko eskumuturra, eta 475ek, Ertzaintzak emandako sakelako telefonoa.
Bestalde, Emakumeen Mundu Martxak deituta, aurreko larunbatean Durangon (Bizkaia)hildako emakumea gogoratzeko elkarretaratzeak eginziren atzo hainbat herri eta hiriburutan.
2002tik bikoiztu egin dira genero indarkeriako kasuak
Iaz, 4.885 kasu gertatu ziren, eta 3.395 salaketa jaso zituen Ertzaintzak, 2010ean baino %14 gehiago
Iruzkinak
Ez dago iruzkinik
Ordenatu
