Zinpeko epaimahaiak hartutako erabakia izan du oinarri Arabako Lurralde Auzitegiak. Epaimahaiak ondorioztatu zuen Amagoia Elezkanoren bikotekide zenak, Francisco Javier M. N.-k, intentzioz hil zuela, Laudion (Araba), eta ez ziola defenditzeko inolako aukerarik eman. Akusazioko abokatuek 25 urteko kartzelaldia eskatua zuten hiltzailearentzat.
Lurralde Auzitegiak, zigorra ezartzerakoan, kontuan hartu du ahaidetasuna —izatezko bikote ziren— (astungarri gisa), baita bikotekide ohiak hilketa onartu izana ere (aringarri gisa).
Iazko maiatzaren 23ko goizaldean gertatu zen hilketa, Laudion (Araba). Bikotekide zenak 42 labana zauri egin zizkion, eta bertan hil zuen. Hark epaiketan onartu zuen "jelosiaz itsu" hil zuela.
