Iruñerriko 23 urteko gazte bat hil da Berriobeitin (Nafarroa), trafiko istripu batean. Auto batek harrapatu du 07:00 inguruan, N-240-A errepideko zazpigarren kilometroan.
Autoko gidariak positibo eman du alkohol azterketan, eta Iruñeko Ospitale Gunera eraman dute.
Nafarroan ostiralaz geroztik trafiko istripu batean hil direnetarik laugarrena da 23 urteko gaztea. Ostiral eguerdian, 83 urteko gizonezko bat hil zen Berriobeitin bertan, eta, gauerdi inguruan, beste bi lagun hil ziren, Zizurren eta Barasoainen.
