Ohiko lanegunetan izan ohi den zerbitzuaren %30 eskainiko du gutxienez Euskotrenek datorren ostegunean, greba orokorrera deitutako egunean. Gaur jakinarazi dute erabakia, ohar baten bidez.
Gutxieneko zerbitzuen ordutegiak geltokietan eta autobusetako barrualdean izango dira ikusgai. Halaber, Euskotren.es webgunean eta @euskotrenEJGV twitter kontuan ere kontsultatu ahal izango dira.
