34 urteko gizon bat atxilotu zuen atzo arratsaldean udaltzaingoak Gasteizen, bikotekideari eraso egitea egotzita. Udaltzaingoak ohar bidez adierazi duenez, 19:30 aldera gertatu zen erasoa. Kalean zeuden herritar batzuek etortzeko eskatu zioten patruila bati, etxebizitza batetik oihuak entzuten zituztelako. Polizia etxebizitzara bertaratu zen, eta gizon bat eta hiru emakume ikusi zituen bertan.
Guztiekin mintzatu ondoren, eztabaida bat egon zela jakin zuten, eta gizonak bikotekideari eraso egin ziola; emakumeak zauriak zituen ahoan. Gizona atxilotu zuten, indarkeria matxista leporatuta.
Astearte iluntzean, berriz, gizon batek bortxaz tratatu zuen emazteki bat, hiriko etxebizitza batean. Gizona atxilotu zuten, sexu eraso bat egitea egotzita. Erasoa gaitzesteko eta biktimari elkartasuna adierazteko, elkarretaratzea egin du Gasteizko Udalak gaur goizean.
