Gasteizko Udaltzaingoak 34 urteko gizon bat atxilotu zuen atzo, indarkeria matxista leporatuta. Alaba adingabeak aurrean zirela bikotekideari eraso egitea egozten diote.
Poliziak ohar bidez adierazi duenez, 13:30ak aldera abisu bat jaso zuten Adurtza auzotik, eta bikote bat eztabaidatzen ari zela erran zien. Etxebizitzara ailegatu zirenean jakin zuten gizonak emaztekiari eraso ziola, bien alaba adingabeak aurrean zirela. Han bertan atxilotu zuten gizona.
Atxilotu bat Bilbon
Bilbon, berriz, ihesean zebilen gizon bat atxilotu zuen Espainiako Poliziak hilaren 20an; indarkeria matxistagatik ari ziren haren bila. 47 urteko gizonak Espainiako hainbat epaitegitatik igorritako bi erreklamazio judizial zituen haren izenean, atxilotze aginduagatik. Bi erreklamazioak iazko udaberritik zeuden indarrean.
Gizona Irlandara ihes egina zen, eta handik zetorren ferry batean atzeman zuten, Bilboko portuan. Gizona atxilotu zuten, eta Barakaldoko epaitegira eraman. Kartzelan sartzeko agindu zuten, eta bertan egonen da diligentziak ebatzi arte.
