Osasunbideak eta Osakidetzak emandako datuen arabera, atzo 6.688 diagnostiko proba egin zituzten Hego Euskal Herrian. Horietatik 371 positibo izan ziren. Bi osasun zerbitzuetako datuak kontuan hartuta, egindako testen %5,5ek positibo eman zuten.
Egoera lurraldez lurralde aztertuta, Bizkaian atzeman dute positibo gehien: 161. Gipuzkoan, berriz, beste 97 aurkitu dituzte. Nafarroan 62 izan dira, eta Araban, azkenik, 41.
Erietxeetako egoerari dagokionez, atzo 35 lagun ospitaleratu zituzten COVID-19aren sintomak larriagoturik. Orotara 372 paziente daude Hego Euskal Herriko ospitaleetan gaitz horren harira; horietatik, 94k zainketa intentsiboen beharra dute.
