67 europarlamentari ohik babesa agertu diote gaur Aieteko Adierazpenari Europako Parlamentuan. Horretarako, dokumentu bat aurkeztu dute, eta aurkezpenean izan dira Frieda Brepoels egungo Europako parlamentaria, Nelly Maes parlamentari ohia eta Karmelo Landa eta Koldo Gorostiaga europarlamentari ohiak.
Parlamentuko hainbat taldetako kide izandakoak eta hainbat herrialdetakoak daude sinatzaileen artean. Horietako batzuk dira Michael McGowan (Erresuma Batua), Oriol Junqueras (Herrialde Katalanak), Mary Lou McDonald (Irlanda), Helmuth Markov (Alemania), Maria Lisa Cinciari (Italia) eta Andres Tarand (Estonia).
