«Gure arteko aldeak bazter uzteko ordua da, abertzaleen arteko batasuna lortzeko». Horixe azpimarratu zuen EAko Nafarroako koordinatzaile Maiorga Ramirezek atzo, alderdi horrek Iruñean egin zuen batzarra hasi baino lehen. Ezker abertzale, EA, Alternatiba eta Aralarrekin bat egiteko deia egin zien, zehazki, EAJri eta NaBaiko independenteei, eta oraingo «une historikoan arduraz» jokatzeko eskatu zien. «Gauzak ongi egiten baditugu, azaroko bozetan irabazteko aukera dugu».
Hori dela-eta, abertzaleen arteko «hesi artifizialak» eraikitzeari uzteko ordua dela erran zuen, eta taldeen arteko sintoniak bilatzekoa. «Alderdien interesak alde batera utzi behar ditugu. Eskuineko alderdien arteko batasunari ezin diogu gure arteko ezberdintasunak nabarmenduz erantzun. Bat egiteko garaia da», gaineratu zuen Ramirezek.
Abertzaleen artean «hesiak» eraikitzeari uzteko eskatu du EAk
Maiorga Ramirezek erran du arduraz jokatzeko ordua dela, abertzaleek «irabazteko aukera» badutelako
Iruzkinak
Ez dago iruzkinik
Ordenatu
