Abstentzioa da hauteskunde hauetako garaile nagusia

Izan lehen ala bigarren itzulian, bozkatzaile gehienek ez dute parte hartu bozketa hauetan. Igandean, Pirinio Atlantikoetako departamenduan, parte hartzea %43koa zen bozkalekuak itxi baino oren bat lehenago. Ipar Euskal Herriari doakionez, abstentzioa kostaldean da batez ere sentitu; barnealdean, parte hartze ona izan da. Adibidez, Miarritze mendebaldean, bozkatzaileen %34,86k bozkatu dute, eta Baiona iparraldean, %36,48k. Haatik, Garazin, Atharratzen eta Iholdin jendea eman du boza, eta abstentzioa %25-30 ingurukoa izan da. Aitzineko hauteskundeetan, parte hartze handiagoa izan zen orokorki departamenduan, baita kostaldean ere.