Zazpigarren entzierroa egin dute Faltzesen (Nafarroa), Eulogio Mateo de Carcar ganadutegiko behiekin, eta korapilatsua izan da. 11 lagun zauritu dira guztira. Horietako bi Nafarroako ospitalera eraman behar izan dituzte. Emilio Ramos unaiak barrabiletan adarkada txiki bat jaso du, eta Faltzesko bizilagun bati zezenak gainetik pasatu zaizkio, eta artatu behar izan dute, kolpeen ondorioz.
Ezagunak dira Faltzesko entzierroak, mendian hasi eta malkar baten ertzetik jaisten direlako behiak. Jaitsiera azkarrarekin hasi da entzierroa, baina bidean behi bat atzera itzuli da, eta gainontzekoak haren atzetik egin dute. Hiru behi putzu batera erori dira, baina onik atera dira unaien laguntzarekin.
Behiak eskortan berriro sartu, eta beste entzierro bat egin dute, ondorioz. Minutu eta 30 segundo iraun du horrek eta inor ez da zauritu.
