Familiak iragarri du ez duela beilategirik jarriko. Etxean izango dute gorpua. Baina azken agurra eman ahal izateko, haren omenezko kultur ekitaldia antolatu dute etziko, 20:00etan, Donostian, Zorroagako eliza zen eraikinean. Omenaldi zibila izango da.
Ekitaldia irekia izango da: eskulturgile eta margolariari azken agurra eman nahi dion oro gerturatu ahal izango da.
Agurreko kultur ekitaldian parte hartuko dute, besteak beste, Andoni Egaña bertsolariak eta Mixel Etxekopar eta Jean Mixel Bedaxagar abeslariek. Han izango dira Bermeoko lagunak ere.
