AHT-AREN BIDEETATIK IBILKI

AHTaren proiektua pasako litzatekeen bideetatik gaindi bi ibilaldi antolatu zituen atzo Urdazuri-Bidasoa elkarteak. Bata Azkainetik partitu zen, eta bestea Biriatutik; biak Urruñako Ibildoxen elkartu ziren gero, eta bertan bazkaldu zuten. Herri giroan, adin guztietatiko 460 bat bildu ziren, baita hamabost bat traktore ere, «AHTak eraginen duen desmasiaz ohartzeko» eta, aldi berean, zein «garestia, alferrikakoa eta inposatua» den salatzeko, CADEko kide Victor Pachonen hitzetan.