Aitor Liguerzana euskal presoa puntzoi batekin zauritu zuten herenegun, presoaren ingurukoek salatu dutenez. Foncalenteko espetxean (Alacant, Herrialde Katalanak) izan zen gertaera, arratsean, patioko ordua amaitzeko orduan. Preso arrunten artean liskar bat egon zen, eta, ondotik igarotzerakoan, horietako batek sastakada bat eman zion Liguerzanari bizkarrean.
Espetxeko erizaindegian zauriak garbitu eta tetanosaren aurkako txertoa eman bazioten ere, gaua loak hartu ezinda igaro zuen euskal presoak, minaren ondorioz.
Liguerzana duela bi aste eraman zuten Foncalentera, Aranjueztik. Orain, beste hiru euskal presorekin batera dago modulu berean. Senideek salatu dute espetxe horretan preso arrunten arteko liskar ugari eta egunero tentsio uneak egon ohi direla.
Euskal presoak
Aitor Liguerzana euskal presoa zauritu egin dute Foncalanteko espetxean
Liskar batean, preso arrunt batek puntzoi batekin sastakatu zuen bizkarrean, herenegun
Iruzkinak
Ez dago iruzkinik
Ordenatu
