Aitzol Gogorza euskal presoa ospitaleratu dute

BILBO. Aitzol Gogorza euskal presoa atzo eguerditik Basurtuko ospitalean dago, Bilbon, Etxerat elkarteak atzo jakinarazi zuenez. Gaixotasun larri eta sendaezinak dituzten hamahiru presoetako bat da. Gorabehera handiak izaten ditu, eta azkenaldian animoz nahiko baxu dago. Egoerari buelta ematen ez ziola ikusita, espetxeko medikuek, presoaren konfiantzazko medikuek eta Gogorzak berak ikusi zuten onena ospitaleratzea izango zela.