EAJrekin akordioetara iristeko aukerak "irekita" daudela esan du, eta horregatik "konfiantzazko botoa" emango dio Iñigo Urkulluk zuzendutako alderdiari. Bilera gehiago egiteko asmoa agertu du Pastorrek, "egiazko gauza zehatzez hitz egiteko". Izan ere, asteartean izandako bileran soilik "gauza orokorrez" mintzatu zirela esan du, eta EAJk gainerako alderdiei emandako txostenean bilkuran hitz egindakoa "pixka bat gehiago" azaltzen dela erantsi du.
Gai bakoitzean hausnarketa gehiago behar dela uste du Pastorrek, alor ekonomikoan bereziki. Halaber, iragarri du PSE-EEk ere EAJri proposamen bat helaraziko diola.EAJren asmoa "hasieran behintzat" bakarrik gobernatzea dela esan du Pastorrek, gobernu formulen inguruan ez dutelako hitz egin lehen bilera-sortan.