Alderdien hauteskunde zerrendak gaur argitaratuko dira

Araba, Bizkai eta Gipuzkoako Lurralde Hauteskunde Batzordeek atzo bukatu zituzten alderdiek aurkeztutako hauteskunde zerrenden gaineko tramiteak, eta gaur agertuko diraEAEko Buletin Ofizialean behin betiko hauteskunde zerrendak. Hiru lurraldeetan 46 hauteskunde zerrenda aurkeztu dira orotara —2009an baino zazpi hauteskunde zerrenda gehiago—; hamasei Araban, hamazazpi Bizkaian eta hamahiru Gipuzkoan, eta Hauteskunde Batzordeetako iturriek berri agentziei adierazitakoaren arabera, zuzenketa batzuk egin behar izan dituzte zenbait zerrendatan, hautagaien izen-abizenak gaizki idatzita zeudelako kasu batzuetan, eta hautagaien ordenean ere egin behar izan dituzte batzuek aldaketak, parekidetasuna bermatzeko.