Alkateak ez ditu euskaraz egin nahi udaleko deialdiak

LIZARRA. Bilduk egindako eskariari muzin egin, eta Begoña Ganuza Lizarrako alkateak (UPN) iragarri du ez dituela euskaraz helaraziko udaleko deialdiak eta horrelakoak. Haren arabera, erabat legezkoa da gaztelania hutsez egitea. Lehenago ere hartu izan ditu gisa horretako erabakiak; iaz, esate baterako, uko egin zion euskaraz eta gaztelaniaz zeuden agiriak sinatzeari.