Altsasuko gazte espetxeratuen aldeko protesta ekintza egiten ari dira, Iruñean, Takonera parkearen ondoko Basotxo kalean. Karpa bat eta hainbat kanpin denda jarri dituzte, eta gaua bertan egingo dutela iragarri dute.
Hasiera eman zaio Iruñean Altsasuko gazteen aldeko elkartasun guneari.
— Ernai (@ernaigazte) 14 de junio de 2018
Datozen hiru egunetan #AltsasukoakASKE nahi ditugula ozen aldarrikatu eta zabaltzeko baliatuko dugu Boskezillos. Egitarau oparoa prestatu da.
Hartu lo-zakua eta zatoz!#EzDuguOnartzen#ElkartasunGuneapic.twitter.com/5P5dCTj0dn
17:00etan eman diote hasiera Elkartasun Guneari. Mikrofono irekia jarri dute parte hartzaileen eskura, Altsasu auziari buruz taldean hausnartzeko. Iluntzeko 20:00etarako bertso saioa prestatu dute Oihana Iguaran, Joanes Illarregi, Irati Majuelo eta Aitor Servier bertsolariekin. Eta afaria egingo dute 22:00etan.
Altsasuko gazteei bi eta hamairu urte arteko espetxe zigorrak ezarri zizkien Auzitegi Nazionalak, leporatzen zaizkien gertakariak terrorismo delitua ez direla ebatzi arren. Fiskaltzak helegitea aurkeztu dio, gaur, epaiari. Auzipetuek "terrorismo delituak" egin zituztela argudiatu du eta 12 eta 62 urte arteko zigorrak eskatu ditu.
