Mahai inguruak, afaria, musika eta mobilizazioa izango dira, gaur eta bihar, Iruñean, Altsasuko gazte espetxeratuen egoera "bidegabea" salatu eta haien askatasuna aldarrikatzeko. Hainbat arlotatik aztertuko dute Altsasuko auzia: Nafarroako gazte eragileak, bestelako gizarte elkarteak, kazetariak, arlo juridikoko adituak eta alderdi politikoetako hautetsiak bilduko dira Altsasukoak Aske jardunaldietarako antolatu dituzten solasaldietan.
Horrez gain, mobilizaziora deitu dute Altsasuko gazte espetxeratuen gurasoek. Elkarretaratzea egingo dute larunbatean, 17:00etan, Gaztelu plazan bertan.
Gazte auzipetuen gurasoek adierazi dute lehen espetxeratzeak izan zirenetik bi urtera, aurrera egiteko indarra izaten jarraitzen dutela jendeak eman dien babesari eta adierazi dien elkartasunari esker. Oraindik ere laguntza hori behar dutela nabarmendu dute, eta jardunaldietan parte hartzera eta mobilizatzera animatu dituzte herritarrak.
2 urte igaro diren arren zutik jarraitzen dugu, aurrera jarraitzeko indarrarekin. Asteburu honetako jardunaldiak horren adierazle garbia izango dira. #AltsasukoakASKE
— Altsasu gurasoak (@Altsasugurasoak) 2018(e)ko azaroaren 16(a)
Este largo camino de 2 años nos ha causado un dolor enorme, pero seguimos en pie y con fuerzas. #Altsasu 👇🽠pic.twitter.com/v4sthBxPhe
