Ander Geresta Madrilen esku utzi du Parisek

Ander Geresta Azurmendi Frantziako espetxeetan zigorra betetzen ari den euskal presoa Espainiaren esku utzi du Parisek. Jendarmeekin tiroketa bat izan ostean atxilotu zuten Geresta, eta horregatik dago espetxe zigorra betetzen Frantzian. Espainiako Justiziak, berriz, kale erasoetan parte-hartzea leporatzen dio. Entrega behin-behinekoa da, hots, Espainian epaitu arte izango da Madrilen esku. Ondoren, Frantziara itzuliko dute zigorra betetzen jarrai dezan. Kale erasoez akusatutako norbait entregatzen duten aurreneko aldia da.