EAEko PPko presidente Arantza Quiroga kritiko agertu da EAJren azken urteotako jokabidearekin. Haren arabera, ETAren amaierarako "buru" izan dutela esaten dute EAJko ordezkariek. "Baina haiengatik balitz, ETAk hiltzen jarraituko luke", salatu du.
Lizarra-Garaziko akordioa aipatu du adibide gisa, eta kezkatuta agertu da, batik bat, Gipuzkoan egun dagoen egoeraz. EAJk erantzukizun handia duela uste du: "Gipuzkoarrak alboratuta utzi ditu, bere interesen alde egiteko. Horregatik gaude orain gauden bezala". Quirogaren aburuz, EAJ hauteskundeetako "interesak" lehenesten ari da, herritarren aurretik. "Dagoeneko begi bat du heldu den urteko bozetan".
