Autismoari buruzko 2013ko biltzarra, Donostian

DONOSTIA. Autismoaren Ikerketari Buruzko Nazioarteko Biltzar entzutetsuaren 2013ko saioa Donostiako Kursaal jauregian egingo da. Autismoaren inguruko ehunka aditu etortzea espero du Donostiako Udalak, eta biltzarraren inguruan beste zenbait jarduera antolatzeko asmoa ere badute Donostiautism ekimenaren bultzatzaileek. 2001ean abiatu zenetik, autismoaren ikerketan nazioarteko erreferente bihurtu da biltzarra; 2013an, AEB Ameriketako Estatu Batuetatik kanpo egingo da bigarrengo aldiz.