Ekainaren 19an egingo dute galdeketa Gipuzkoako Goierriko herrietan, eta galdera aurkeztu dute Legazpin: "Nahi al duzu euskal estatu burujabe bateko herritarra izan?". Diman (Bizkaia) egun berean egingo dute galdeketa, eta ostiralean jakinarazi zuten Goierriko galdera bera izango dela.
Nahi al duzu euskal estatu burujabe bateko herritarra izan? Badugu galdera. Orain erabakitzera goaz! @goierriHitzapic.twitter.com/38W598X47d
— GED Lazkao (@GedLazkao) 2016(e)ko apirilak 9
Elkarrekin lelopean eginiko fasean adostu dute galdera Goierrin. 27 lagun arduratu dira galdera zehazteaz. Idiazabalen otsailaren 27an egin zen eztabaida irekian ateratako mamia mahai gainean jarri eta bost ardatzetan banatu dituzte herritarren ondorioak: beldurra, kezkak, aukerak; subjektua (nork erabaki), zergatik galdeketa (iraganaz), zertarako (etorkizunaz), eta galderan inguruko hausnarketa. Horregatik, galdeketa egiteko bidearen garrantzia nabarmendu dute: "Ez dugu beldurrik eduki behar, parte hartze prozesuak naturalak dira, topikoak hautsi behar ditugu".
Goierriko Gure Esku Dago-k bideoklip bat sareratu du galdeketa egiteko prozesuaren harira:
[Youtube]https://youtu.be/jS8yvr_M8dE[/Youtube]
Luzatuz doa 2016an edo 2017an Euskal Herriaren estatus politikoaz galdeketa egingo duten herrien zerrenda. Bermeon eta Busturian 2017ko apirilaren 2an egin nahi dituzte galdeketak. Igande honetan emango dute horren berri.
