Baionan hamabost bat gaztek bi pertsonari eraso egin zietela salatu dute egun, agiri baten bidez. Bertan kontatzen dutenez, erasoa azaroaren 4an gertatu zen, arratseko hamaiketan, Baionako Patxa plazan. Erasotuek entzundako irainen arabera, eraso homofoboa izan dela salatu dute. Erasotuetako batek buruan kolpe bat bildu zuen, eta puntuak egin behar izan zizkioten zauria hesteko.
Agirian irmoki salatu dute gertatutakoa, eta erran dute ez dutela sekula onartuko «sexu orientazioaren, generoaren, jatorriaren edo gaitasunaren araberako diskriminaziorik». Gaitzetsi dute «indarkeria matxistaren erakustaldi» hori.