Ez da beste urte batzuetako liskarrik gertatu, baina gaur ere izan dira San Fermin eguneko prozesio bukaeran tentsio uneak udalbatza pasatzen ari zela; batik bat, Curia karrikan eta inguruan.
Iruñeko alkate bezala azkeneko sanferminak ditu Yolanda Barcinak (UPN), eta ez du "kanpora!" oihurik entzun gabe bukatu gaurko prozesioa. Jende askok egin du haren aurkako protesta. Txistuak entzun dira, dena den, gehien. Aldarrikapenezko euskarazko kantak ere aditu dira. Lagun batzuek Independentzia jartzen zuen kartelak zabaldu dituzte. Udaltzainak pertsona batzuen aurka oldartu da, baina ez da gauza handirik gertatu.
Bestela, jendea erruz. 10:00ak pasatxo zirela hasi da prozesioa, gero elizkizuna, santua utzi dute atzera zegoen lekuan, eta prozesioaren bukaera. 14:15ak aldera amaitu da. Festetako hitzordu nagusietakoa izaten da.
Barcinari aurten ere oihukatu diote "kanpora!" prozesioan
Iruzkinak
Ez dago iruzkinik
Ordenatu
