Santiago Pedraz Espainiako Auzitegi Nazionaleko epaileak Julio Villanueva, Gorka Ovejero eta Ibon Garcia Mugituko kideak behin-behinean aske utzi ditu gaur, bermerik gabe. Urriaren 27an Yolanda Barcina Nafarroako Gobernuko presidenteari tartak bota zizkioten Tolosan (Okzitania), abiadura handiko trenaren egitasmoa salatzeko.
Espainiako Auzitegi Nazionalean deklaratu zuten atzo hirurek, baina uko egin zioten epailearen aurrean hitz egiteari. Agintearen aurkako delitua leporatzen die fiskalak hirurei, eta lau eta sei urte bitarteko espetxe zigorra jaso dezakete. Gainera, epaileak kautelazko neurri ugari ezarri dizkie; besteak beste, astelehenero etxetik gertuen duten auzitegira joan beharko dute eta epailearen baimenik gabe ezingo dira Espainiatik atera.
Auzipetuek elkartasun adierazpen ugari jaso dituzte. Auzitegi Nazionalaren aurrean elkarretaratzea egin zuten atzo, Desobedientzia ez da delitua, delitua AHTa da lelopean. EILAS sindikatuak eta ezker abertzaleak ere babesa adierazi diete, eta absolbitzeko eskatudute.
Barcinari tartak bota zizkiotenak behin-behinean aske utzi ditu epaileak
Astero epaitegira joan beharko dute Mugitu taldeko hiru kideek, eta baimenik gabe ezingo dute Espainiatik irten
Iruzkinak
Ez dago iruzkinik
Ordenatu
