Barredak dio Bilduk agerian uzten duela «betiko Batasuna» dela

Leopoldo Barreda EAEko PPren bozeramaileak honako hau adierazi du: «Bilduk hartzen duen erabaki bakoitzak gehiago uzten du agerian batzuek bagenekiena: betiko Batasuna dela». Era berean, azaldu du «legezkotasun demokratikoa bete eta onartu gabe» Bilduko kideak «doan» iritsi direla instituzioetara, baina bai, ordea, «iseka» eginez.

Barredaren ustez, Bildu erakundeetara iritsi da «batzuen arduragabekeriarengatik, Espainiako Auzitegi Konstituzionaleko zazpi epaileen erabakiarengatik edo akordioak lortuz EAJk» ez diolako Bilduri «erantzunik eman».

Gainera, Barredak azaldu du EAJ dela Espainiako politika ekonomikoa «hondamenezkoa» izatearen «arduraduna». Izan ere, haren iritziz, «EAJren botoarekin BEZa igo zen, Espainiako aurrekontu orokorrak osatu ziren eta pentsioak izoztu ziren; eta Espainiako familientzat, ETE enpresa txiki eta ertainentzat eta autonomoentzat kolpe handia izan da horrelako gauzak egitea».

ETAk behin betiko indarkeriaren amaiera adieraziko duen aukeraren inguruan, berriz, Barredak adierazi du «horrek ETA Batasunaren interesei bakarrik» egiten diela mesede, eta ez «demokraziarenei».