Igandean, Beasaingo udaltzainen egoitzan bi polizia zauritu ziren suzko arma baten ondorioz. Eusko Jaurlaritzako Segurtasun Sailaren arabera, tiroa «ustekabekoa» izan zen. Dena den, Ertzaintzak hartu du tiro hori nola egin zen ikertzeko ardura.
13:00etan gertatu zen, eta ordu horretan polizia etxean bi udaltzain horiek zeuden.
Bi udaltzainak Zumarragako ospitalean artatu zituzten. Batek belaunean jaso zuen tiroa, eta ebakuntza egin diote. Bizkaiko ospitale batean dago oraintxe.
Beste udaltzaina bere kabuz joan zen ospitalera. Eskua zuen zauritua.
