Bengoak dio Ibai Uriarteren ebakuntzan ez zela okerrik izan

BILBO. Rafael Bengoa Eusko Jaurlaritzako Osasun sailburuaren iritziz, Gurutzetako erietxeko medikuek ez zuten inongo arduragabekeriarik egin Ibai Uriarte haurra artatzerakoan. Bizkaiko erietxean egindako ebakuntza horretan arazoak izan ondoren, Madrilen bost organo transplantatu behar izan zizkioten Uriarteri. Osakidetzako langileen profesionaltasuna defendatu du Bengoak. Uriarteren familiak kalte-ordaina eskatu du, Gurutzetako medikuek «huts egite bat» egin zutela argudiatuta.