Beste hiru preso ekarri dituzte Euskal Herrira

Etxerat elkarteak jakinarazi duenez, Euskal Herriko espetxeetan dira jada Iñigo Guridi, Iñigo Zapirain eta Asier Badiola euskal presoak. Lehen biak, hurrenez hurren, Mansilla de las Mulastik (370 km) eta El Duesotik (170 km) ekarri dituzte Martuteneko espetxera, Gipuzkoara. Hirugarrena, berriz, El Duesotik Zaballara lekuz aldatu dute, Arabara.