Bi beskoiztar presoren askatzea exijitu dute

Mattin Olzomendi eta Peio Hirigoien euskal presoen sostenguz, milako bat lagun bildu ziren atzo Hazparnen. Bi gazteen baita preso politiko guztien etxeratzea exijitu zuten Goxe Biju bi beskoiztarren (Lapurdi) sostengu komiteak eta Askatasunak antolatu manifestazioan. Euskal preso politikoek jasaten duten sakabanaketa gaitzetsi zuten antolatzaileek manifestazioaren bukaeran.

Urte bete kartzelan

Iazko martxo bukaeran atxilotu zituen Frantziako Poliziak bi gazteak, etxe agentzien kontrako erasoak leporatuta. Irigoien Nanterreko presondegian eta Olzomendi Chateaurouxekoan dira espetxeraturik.

Ttattola gaztetxean jarraitu zuen elkartasunak, kontzertu gaualdiarekin.