Bi bikario izendatu ditu Mario Izeta gotzainak

BILBO. Kargua hartu eta ia lau hilabetera, aginte lagun izango dituen bi bikarioak izendatu ditu Mario Izetak, Bilboko Elizbarrutiko gotzainak. Angel Maria Unzueta —aurreko bikarioa— eta Felix Alonso —elizbarrutiko kantziler idazkari zena— aukeratu ditu. Hala, bikario bat beharrean bi jarri ditu Izetak. Gotzain laguntzailerik, ordea, ez du izango —Izeta bera zen orain arte—.