Bi pertsona hil dira itota, Bidarten eta Tarnosen

BIDARTE. Itota hil zen 37 urteko emakume bat, atzo eguerdian, Tarnosen (Landak, Okzitania). Metro hondartzatik kilometro erdira aurkitu zuten. Ordu eta erdiz saiatu ziren biziarazten, baina larrialdi zerbitzuek ezin izan zuten ezer egin. Baionakoa zen. Igandean, berriz, 15:00 aldera, gorpu bat atera zuten Errege Pabiloia hondartzara (Bidarte, Lapurdi). Gizon batena zen, eta ostegunean Ilbarritz hondartzako uretan desagertu australiar gazte baten gorpua izan liteke.