BILBO ERALDATZERA DEITU DUTE

Ezker Soberanista Eraikitzen taldeak deituta, Ezker abertzaleak, EAk eta Alternatibak ekitaldi politiko bat egin zuten herenegun, «bestelako Bilbo bat» aldarrikatzeko. Euskal Herria «garai politiko berri baterantz» doala esan zuten, eta Bilbo ezin dela gelditu aldaketa horietatik «albo batera». Ekitaldian, ikurrina omendu zuten. Izan ere, bihar, hilak 4, bi urte beteko dira Iñaki Azkuna alkateak Espainiako bandera Bilboko udaletxean jarri zuenetik.