Bilbon polizia jazarpena jasaten ari direnei babesa adierazi diete

Bilboko eragile politiko, sindikal eta sozialetako dozenaka ordezkari elkartu ziren atzo, bertako hainbat bizilagun jasaten ari diren polizia jazarpena salatzeko, eta jazarpenaren biktima direnei babesa adierazteko. «Gaur salatu nahi dugu polizia erakundeek egiten dituzten jazarpenak, telefono bidezko mehatxuak, eguneko 24 orduetan jarraipenak, polizia kolaboraziorako eskaintzak, mehatxuak, erasoak eta kolpeak...», adierazi zuten.

Garai politiko berrian urrats «ausartak» beharko direla esan zuten, baina ohartarazi oraindik badirela «jokaleku berrira egokitu nahi ez dutenak eta antzinako errezetekin aritzen direnak».