Legebiltzarreko osoko bilkura hastear zela, minutu bateko isilunea egin dute parlamentariek Fernando Buesa eta Enrique Casas buruzagi sozialistak gogoratzeko.
Legebiltzarkideek Gauerdiko Iparrorratza izeneko eskulturaren aldamenean dagoen suontzia ere piztu dute hildako kideen omenez. Terrorismoaren biktimak gogoratzen dituen lanaren aldamenean jarri dituzte Buesa eta Casasen argazkiak.
2000ko otsailaren 22an hil zuen ETAk Buesa, haren ibilgailuan bonba bat zartarazita. Atentatu berean hil zen haren bizkartzaina ere, Jorge Diez. Casas, berriz, Komando Autonomoek hil zuten, 1984ko otsailaren 23an, etxe aurrean.
