COEGIren arabera, «ezinbestekoa da» egoitzek erizain bat izatea une oro

DONOSTIA. Gipuzkoako Batzar Nagusietan agerraldia egin zuen atzo Pilar Lekuonak, COEGI Gipuzkoako Erizaintza Elkargo Ofizialeko lehendakariak. Bertan, zahar etxeetan eguneko 24 orduetan erizain bat izatea «ezinbestekoa» dela azaldu zuen; izan ere, «lurraldeko 65 egoitzetatik 19tan soilik dago erizain bat une oro». Zahar etxeetako baldintzak aztertzeko «une egokia» dela iritzi zuen: «Pandemiari egoera prekariotik abiatuta egin diogu aurre».