Cristina Gonzalez Arabako PSEren idazkari nagusia da alderdiaren hautagai bakarra Arabako Foru Aldundirako, 2015eko foru hauteskundeei begira. Legebiltzarkidea izan zen 2009tik 2011ra, biltzarkidea da 2007tik, eta Arabako eta Euskadiko PSEren zuzendaritzako kide ere bada. Gasteizko Udalerako ere hautagaitza bakarra aurkeztu da: Maite Berrocalena.
Hori horrela, alderdiak ez ditu barne hauteskundeak egingo azaroaren 30ean. Hilaren 22ra arte erreklamazioak egiteko aukera egongo da orain, eta orduan izendatuko dituzte hautagai ofizialki.
