Larrialdi zerbitzuetan 13:45ean jaso dute deia, Azpeitian (Gipuzkoa) gorpu bat aurkitu dutela esanez. Izarraitz auzoan topatu dute, baserri inguru batean.
Gorpua joan den astean Azpeitian bertan desagertutako Ildefonso Alustiza frantziskotarrarena da. Hilaren 3an desagertu zen, senideekin bazkaldu eta gero. Autoa Azpeitian aurkitu zuten, baina gizonaren arrastorik ez zen.
Bilaketa lanetan aritu ziren hurrengo egunetan, baina bertan behera utzi zituzten lanak, arrastorik topatzen ez eta.
