Donostiako Ospitalean sutea izan, eta hainbat areto hustu dituzte

DONOSTIA. Sutea izan zen atzo Donostiako Ospitalean, eta horren ondorioz hainbat areto jendez hustu behar izan zituzten. 11:15ean piztu zen sua, ospitaleko Gipuzkoa eraikinaren sotoetako batean. Botikak dauden lekua eta errehabilitazio gunea hustu zituzten, besteak beste. Gainera, bertan behera utzi zituzten eraikinaren goialdeko ebakuntza geletako ebakuntzak.