Dagoeneko jakina zen EB-Berdeak eta Aralar Araba, Bizkaia eta Gipuzkoan maiatzaren 27an izango diren hauteskundeetara elkarrekin joango direla, baina akordioa aurkeztu, gaur aurkeztu dute, Donostian, Javier Madrazo EB-Berdeetako burua eta Patxi Zabaleta Aralarreko burua bertan zirela.
Bat egitea "iraunkorra" dela esan dute, "plurala" eta "desberdinen artekoa". Hautagaitzen bidez hiru lurraldeetako biztanleen %90engana iritsiko direla azpimarratu dute eta "euskal ezkerraren espazioa" bete nahi dutela. Madrazok esan du koalizioa "giltzarria" izango dela udaletxeetan eta batzar nagusietan. Helburua: modu horretara, "bakea eta erabakitzeko eskubidea bultzatzea". Bake prozesuak aurrera egiteko, indarkeriaren bukaera exijitu dute.
'Ezker Batua-Berdeak/Aralar' izango da koalizioaren izena.
Nafarroan, aldiz, Aralar Nafarroa Bai koalizioan aurkeztuko da, EA, EAJ eta Batzarrerekin. EB, bakarrik.
Udal hauteskundeak
Bilbo. EB-Berdeetakoa izango da zerrendaburua (Aralarreko lehen hautagaia, laugarren).
Donostia. EB-Berdeak (Aralarreko lehen hautagaia, bigarren).
Gasteiz. EB-Berdeak (Aralarreko lehen hautagaia, bigarren).
Foru hauteskundeak Araban
Aiara. EB-Berdeak.
Gasteiz. EB-Berdeak.
Zuia. Aralar.
Foru hauteskundeak Bizkaian
Bilbo. EB-Berdeak.
Busturialdea/Uribe Kosta. Aralar.
Durangaldea. EB-Berdeak.
Enkarterri. EB-Berdeak.
Foru hauteskundeak Gipuzkoa
Bidasoaldea/Oarso. EB-Berdeak.
Deba-Urola. Aralar.
Donostialdea. EB-Berdeak.
Oria. Aralar.
Politika
EBk eta Aralarrek "bakea eta erabakitzeko eskubidea bultzatzeko" egin dute bat
Gaur aurkeztu dute akordioa eta elkarrekin joango dira Araba, Bizkaia eta Gipuzkoan maiatzaren 27an izango diren hauteskundeetara. 'Ezker Batua-Berdeak/Aralar' izango da koalizioaren izena.
Iruzkinak
Ez dago iruzkinik
Ordenatu
